ရှာဖွေရန်

Showing posts with label အသား၊ ငါးဟင်းများ. Show all posts
Showing posts with label အသား၊ ငါးဟင်းများ. Show all posts

ငါးသလောက်ပေါင်းနည်း

 

        အိမ်ရှင်မများဟာ နေ့တိုင်းနေ့တိုင်း ကိုယ့်မိသားစုအတွက် အကောင်းဆုံးသော ဟင်းလျာများကို ချက်ပေးပြီး ပျော်ရွှင်မှုကို ဖန်တီးနေပေးကြတာဟာ အမှန်တရားပါပဲ။ ဒါပေမဲ့ ဘယ်သူကမှတော့ မွေးလာစတည်းက ပညာစုံမတတ်ပါဘူး။ အိမ်ရှင်မများဟာလည်း ဟင်းချက်တဲ့အနုပညာကို အမြဲသင်ယူနေကြသူတွေပါ။ မိခင်စိတ်ရဲ့ စေတနာဟာ ကြီးမားတဲ့အတွက် မိသားစုအတွက် သင်ယူဖို့ အသင့်ဖြစ်နေကြသူတွေပါ။ ယနေ့မှာတော့ အကောင်းစားဟင်းလျာတစ်ခွက်လို့ ခေါ်နိုင်တဲ့ ငါးသလောက်ပေါင်းနည်းကို ဖော်ပြပေးသွားမှာပါ။ အချိူ့အိမ်ရှင်မတွေ အတွက် ခက်ခဲသောဟင်းတစ်ခွက် မဖြစ်ရလေအောင် ဆက်လက်ဖတ်ရှူစေလိုပါတယ်။ ‌ဖတ်ရ‌တာအဆင်ပြေအောင် အဆင့်ဆင့်ခွဲ ရေးပေးထားပါတယ်နော်။

 

ပြုလုပ်နည်း

 

၁။ငါးသလောက်အားဆေးကြောသန့်စင်ပါ။

၂။ထို့နောက် ဗီနီကာ၊ ဆား နှင့် နနွင်း တို့ကို လိုသလောက်မှန်းဆထည့်ကာ နယ်ပါ။

၃။ သံပုရာသီးကို ငါးအချိန်အဆပေါ်မူတည်ကာ ညှစ်ထည့်ပြီး နှစ်နာရီကြာနှပ်ထားပါ။ အရိုးများပါပျော့စေရန် ဖြစ်ပါတယ်။

၄။ ကြက်သွန်နီ၊ ဂျင်း နှင့် ကြက်သွန်ဖြူ တို့ကိုထောင်းထားပါ။

၅။ ဆီလိုသလောက်ထည့်၍ ဆီပူလာလျှင် နနွင်းမှုန့်ထည့်ကာ ဆီသတ်ပါ။

၆။ ကြက်သွန်နီ၊ဂျင်း နှင့် ကြက်သွန်ဖြူထောင်းပြီးသား အနစ်ဖြင့် ဆက်လက်ဆီသတ်ပါ။

၇။ ကြက်သွန်နံ့မွှေးလာတဲ့အထိ ဆီသတ်ပါ။

၈။ ထို့နောက်နှပ်ထားသော ငါးအသားတုံးများအား ထည့်ကာ အနည်းငယ်နှံ့အောင် လှိမ့်ပြီးပါက ရေများများထည့်ကာ    အဖုံးသာအုပ်ထားလိုက်ပါ။

၉။ အဖုံးလုံစေဖို့လည်းသတိပြုပါ။

၁၀။ ရေခမ်းတိုင်း ပြန်ပြန်ဖြည့်ကာ လေးနာရီကျော်ကြာအထိ ပြုတ်ထားပါ။

၁၁။ ငါးအသားတုံးအား လက်နှင့်ဖိကြည့်ကာ အရိုးပျော့မပျော့စမ်းပါ။

၁၂။ အရိုးများပျော့သည်အထိ ရေခမ်းတိုင်းထပ်လောင်းဖြည့်ကာ ပြုတ်ပါ။

၁၃။ အရိုးများပျော့ပါက ခရမ်းချဉ်သီး နှင့် ကရဝေးရွက်တို့ထည့်ကာ ဟင်းအနှစ်ထွက်သည်အထိ ချက်ပါ။

၁၄။ ဖြေးညင်းစွာ ယောင်းမနှင့် မွှေမှသာ အသားတွေ မကျေမှာမို့ သတိထားပါ။

၁၅။ ဆီပြန်လျင် အောင်မြင်စွာပြီးဆုံးပါပြီ။

ကဲ…..ခက်သလား။ အိမ်ရှင်မ‌တို့ရေ။ မီးအလျော့အတင်းလေးပဲသတိပြုရုံပါ။ပေါင်းအိုးမရှိလည်း ရိုးရိုးအိုးအသုံးပြုလည်း အဆင်ပြေပါတယ်။ အိမ်ရှင်မတို့အားလုံးကို လေးစားစွာအလေးပြုပြီး အကောင်းဆုံးစားဖိုမှူးတွေ ဖြစ်ကြပါစေ ဆုတောင်းရင် ဒီမှာပဲ ခနလေးရပ်နားပါရစေ။ပြန်ဆုံမယ်နော်။

 

Share:

အမဲခြေထောက်ချဉ်

 

Shan Traditional Cow Foot Pickled
ရှမ်းရိုးရာအစားအစာတမျိုးဖြစ်တဲ့အမဲခြေထောက်ချဉ်လေးဖြစ်ပါတယ်။နွားခြေထောက်အစားမိမိနှစ်သ က်သလိုအစားထိုးပြုလုပ်နိုင်ပါတယ်။နွားခြေထောက်ကိုတော့နေရာတိုင်းအလွယ်တကူမရနိုင်တာကြောင့်မြန်မာပြည်အလည်ပြန်ရင်းလုပ်စားဖြစ်တာလေးပြန်လည်မျှဝေပေးလိုက်ပါတယ်။အဆာပြေစာအဖြစ်တည်ခင်းနိုင်သလိုဟင်းတပွဲအနေနဲ့လည်းသုပ်ပြီးဖြစ်စေချက်ပြီးဖြစ်စေတည်ခင်းနိုင်ပါတယ်။
ပါဝင်ပစ္စည်း
********
နွားခြေထောက် - တစ်ချောင်း
ထမင်းဖြူ - တစ်ပန်းကန်
ဆား - အနည်းငယ်
ငှက်ပျောဖက်/ပုလင်း - ထုပ်ရန်
ပြင်ဆင်ပြုလုပ်ပုံ
************
1.သန့်စင်ပြီးနွားခြေထောက်ကိုခုတ်ထစ်လှီးဖြတ်ပြီးရေဆေးသန့်စင်ကာဆားနယ်ပြီးရေမြုတ်ရုံထည့်ကာပြုတ်ထားပါ။(ကျက်ရုံ)
2.ပြုတ်ပြီးသားနွားခြေထောက်ကိုအရိုးဖယ်ထုတ်ပြီးသေးသေးနုတ်နုတ်စိတ်ထားပါ။
3.ခပ်မာမာချက်ထားသောထမင်းကိုဆားအနည်းငယ်ထည့်ပြီးကြေအောင်နယ်ထားပါ။
4.သေးသေးနုတ်နုတ်စင်းထားသောနွားခြေထောက်ကိုထမင်းဖြင့်ရောနယ်ပါ။
5.ငှက်ပျောဖက်ကိုရေဆေးသန့်စင်မီးကင်ပြီးနယ်ထားသောအရောကိုထည့်ပြီးကျစ်ကျစ်လေးထုတ်ပေးကာဇကာဖြင့်ထည့်ပြီးလေလုံအောင်ထုတ်ပိုးပြီးအလေးဖြင့်အပေါ်မှဖိပေးထားပါ။ငှက်ပျောဖက်ဖြင့်မထုပ်ဘဲပုလင်းဖြင့်လည်းသိပ်ထားနိုင်ပါတယ်။
6.ရာသီဥုတုပူအိုက်ပါကနှစ်ရက်ခန့်တည်ပြီးပါကချဉ်ပြီဖြစ်၍ရေခဲသေတ္တာတွင်သိမ်းဆည်းကာငရုတ်သီးကြော်ကြက်သွန်ဖြူဆီချက်တို့ဖြင့်တွဲဖက်တည်ခင်းနိုင်ပါပြီ။ဟင်းတခွက်အဖြစ်ကြော်ချက်၍လည်းတ ည်ခင်းနိုင်ပါတယ်။

Share:

အမဲခြေထောက်ချဉ်ကြော်

 

ရှမ်းပြည်ကအစားအစာတခုဖြစ်တဲ့အမဲခြေထောက်ချဉ်ကြော်လေးဖြစ်ပါတယ်။အဆာပြေစာအြ ဖစ်စားနိုင်သလိုဟင်းအဖြစ်လည်းတည်ခင်းနိုင်ပါတယ်။
ပါဝင်ပစ္စည်း
********
အမဲခြေထောက်ချဉ် - တစ်ပန်းကန်(၄ထုပ်)
ၾကက္သြန္နီ -ႏွစ္လံုး
ကြက်သွန်ဖြူ - ၅ မြောင်း
ခရမ်းချဉ်သီး - နှစ်လုံး
ငရုပ်သီးစိမ်း - ၅တောင့်
နံနံပင် - အနည်းငယ်
ဆီ - အနည်းငယ်
ဆား - အနည်းငယ်
ဟင်းခပ်မှုန့် - အနည်းငယ်
ပြင်ဆင်ချက်ပြုတ်ပုံ
**************
1.အမဲခြေထောက်ချဉ်ကြော်အတွက်ကြက်သွန်နီပါးပါးစိတ်ထားပါ။ကြက်သွန်ဖြူသေးသေးစိတ်၊ခရမ်းချဉ်သီးသေးသေးစိတ်ထားပါ။ငရုပ်သီးထက်ခြမ်းခြမ်းထားပါ။
2.အားလုံးအဆင်သင့်ဖြစ်ပါကအိုးထဲတွင်ဆီထည့်ပြီးကြက်သွန်ကိုဆီသပ်ပါ။ကြက်သွန်ဖြူထည့်ပါ။
3.ကြက်သွန်နွမ်းပါကခရမ်းချဉ်သီးထည့်ပါ။ဆားဟင်းခပ်မှုန့်ထည့်ပါ။အမဲခြေထောက်ချဉ်ထည့် ပါ။
4.အားလုံးသမပြီးအနည်းငယ်ထွေးလာပါကအရသာအပေါ့အငံမြည်းပြီးငရုပ်သီးစိမ်းနှင့်နံနံပင်ထည့်ကာပန်းကန်တွင်တည်ခင်းသုံးဆောင်နိုင်ပါပြီ။

Share:

ကြက်ပေါင်း

 


Chinese Steamed Chicken
ကြက်ပေါင်းကိုအထိမ်းအမှတ်မိတ်ဆုံစားဝိုင်းကြီးတွေမှာအကောင်လိုက်တည်ခင်းတတ်ကြသလိုဒင်းမ်ဆမ်းတွေမှာလည်းပွဲသေးအနေနဲ့တည်ခင်းလေ့ရှိကြပါတယ်။ဒီကြက်ပေါင်းလေးပြင်ဆင်ပြုလုပ်ချိန်မှာဆိုဖီယာ့အဖွားကိုအမှတ်ရလွမ်းမိပါ တယ်။ငယ်ငယ်ကနယ်မြို့တွေမှာအခုလိုကြက်သားတွေကိုသန့်ရှင်းပြီးအဆင်သင့်တွေမရှိသေးတော့အိမ်မှာဧည့်ဖိတ်ရှိရင်ကြက်ပေါင်းတပွဲအမြဲပါတော့ကြက်အမွေးနုတ်တာကစလုပ်ရတာပေါ့ ။အိမ်မှာအဖွားတို့ရဲ့ကြက်ကိုင်နည်းပြောပြချင်တာပါ။
အမွေးနုတ်ဖို့ရေနွေးဖျောတာကစလုပ်ခိုင်းတယ်။အမွေးမနုတ်ခင်ကိုဗိုက်ခွဲအူထုတ်သန့်ရှင်းပြီးရင်ဗိုက်ကိုအပ်နဲ့ပြန်ချုပ်(ရေညစ်ပတ်တွေဗိုက်ထဲမဝင်အောင်)ပြီးမှရေနွေးဖျောအမွေးနုတ်တယ်ပြီးရင်ကြက်တကောင်လုံးကိုရေနွေးနဲ့ဂျီးချွတ်ဖြူဖွေးနေအောင်ခြစ်ပေးရေချိုးပေးရတယ်။ငယ်ငယ်တုန်းကတော့အဲ့လိုလုပ်ရတာအကြာကြီးပျင်းတော့အဖွားကဆူတယ်မိန်းခလေးမို့မလုပ်တတ်လို့မရဘူးဆိုတော့အဖွားကိုပြန်ပြောခဲ့တာလေးအမှတ်ရမိတယ်။အဖွားရယ်အခုခေတ်လေမြို့ပေါ်မှာကြက်တွေအကောင်လိုက်အမွေးနုတ်သန့်ရှင်းပြီးသားကိုယ်တိုင်နုတ်စရာမလိုဘူးလို့အကွန့်တက်ခဲ့တာပေါ့ :-D :-D
ဘာဘဲပြောပြောဒီလိုအချိန်မှာကြက်အကောင်လိုက်ချပေးလည်းလုပ်တတ်ကိုင်တတ်သွားခဲ့တာအဖွားကျေးဇူးတွေကြောင့်ပါ :-) ကြက်ပေါင်းပြုလုပ်ရန်ကြက်ကိုအကောင်လိုက်ရေဆေးသန့်စင်ပြီးရေစစ်ထားပါ။မွေးမြူရေးကြက်ကတော့အရသာအရှိဆုံးပေါ့...မလွယ်ရင်CPလည်းသုံးနိုင်ပါတယ်။
ပါဝင်ပစ္စည်း
********
ကြက်တကောင် - တကီလိုခွဲခန့်
ဆား - တစ်ဇွန်း စားပွဲဇွန်း
ဂျင်း - တတက်
ကြက်သွန်ဖြူ -တဥ
ရှောက်ကော - ၃လုံး
နာနတ်ပွင့် - ၂ပွင့်
ပြင်ဆင်ပြုလုပ်ပုံ
***********
1.ရေစစ်ထားသောကြက်ကိုဆားဖြင့်တကောင်လုံးအနှံ့လူးပြီးနယ်ထားကာဆားဝင်အောင်တနာရီခန့်နှပ်ထားပါ။ဂျင်းအတက်လိုက်ထုပြီးထည့်ပါ။ရှောက်ကောကိုလည်းထုထားပါ။ကြက်သွန်ဖြူထပ်ခြမ်းခြမ်းထားပါ။
2.မွေးမြူရေးကြက်သုံးပါကကြက်နှင့်ရေတခါထဲထည့်ပြီးပြုတ်နိုင်ပါတယ်ကြက်တကောင်လုံးမြုတ်သည်ထိရေထည့်ကာနူးအိသည်ထိပြုတ်ပါ။
CPကြက်ကိုသုံးပါကရေဆူပွက်မှသာကြက်သားကိုချပြီးဆယ်မိနစ်ပြုတ်ပါ။
3.အသားနူးအိပါကလိုသလိုလှီးဖြတ်ပြီးကြက်ပေါင်းကြက်စွတ်ပြုတ်ကိုကြက်သွန်မိတ်ဖြူးကာတည်ခင်းနိုင်ပါပြီ။

Share:

ဆိတ်သားတုတ်ထိုးအစပ်ကြော်

 

Toothpick Mutton
တရုတ်အစားအစာတမျိုးဖြစ်တဲ့ငါးမျိုးမဆလာ
တုတ်ထိုးအသားကြော်အစပ်ဖြစ်ပါတယ်။သူ့ရဲ့ထူးခြားတဲ့အသားရဲ့နူးညံ့မှုရယ်အသားဖတ်လေးများကိုတုတ်ချောင်းလေးများဖြင့်ထိုးပြီးကြော်ထားသည့်အတွက်အဆာပြေစာအဖြစ်သုံးဆောင်နိုင်သလိုဟင်းတခွက်အဖြစ်လည်းတည်ခင်းနိုင်ပါတယ်။ဆိတ်သားအမဲသားတို့ဖြင့်ပြုလုပ်နိုင်ပါတယ်။လုပ်စားကြည့်ရအောင်နော်။
ပါဝင်ပစ္စည်း
*********
ဆိတ်သားနုနု - ၂၀၀ ဂရမ်
ဂျင်း - လက်တဆစ်
ငါးမျိုးမဆလာ - တစ်ဇွန်း စားပွဲဇွန်း
(ရှောက်ကော၊ပါကော၊ဟွားကျောက်)
ဆား - လ္ဘက်ဇွန်း တဝက်
ဟင်းခပ်မှုန့် - အနည်းငယ်
ၾကက္သြန္နီ - တစ္လံုး optional
ငရုတ်ခြောက်/စို
နံနံပင် - အနည်းငယ်
ဆီ - ၄ဇွန်း
သြားၾကားထိုးတံ
ပြင်ဆင်ပြုလုပ်ပုံ
***********
1.ဦးစွာနူးညံသောအသားကိုခပ်ပါးပါးစောင်းစောင်းလှီးဖြတ်ထားပါ။ဂျင်းမျှင်မျှင်လှီးထားပါ။ကြက်သွန်ထည့်လိုပါကအတုံးခပ်ကြီးကြီးလှီးဖြတ်ထားပါ။
2.လှီးထားသောအသားကိုဆားဟင်းခပ်မှုန့်ငါးမျိုးမဆလာလှီးထားသောဂျင်းတို့ဖြင့်သမအောင်နယ်ပြီးမိနစ်၃၀ခန့်နှပ်ထားပါ။
3.နှပ်ထားပြီးသောအသားကိုတဖတ်ဆီသွားကြားထိုးတံဖြင့်ထိုးထားပေးပါ။
4.အားလုံးအသင့်ဖြစ်ပါကအိုးထဲတွင်ဆီထည့်ပြီးကြက်သွန်ငရုတ်သီးကိုအရောင်ပြောင်းရုံကြော်ပြီးဆယ်ယူဆီစစ်ထားပါ။
5.လက်ကျန်ဆီဖြင့်အရသာနယ်တုတ်ထိုးထားသောအသားကိုမီးပြင်းပြင်းဖြင့်ကြော်ပေးပါ။
6.အသားခြောက်သွားပါကဖယ်ထားသောကြက်သွန်ငရုတ်သီးနံနံပင်ထည့်ပြီးသမအောင်မွေပြီးမီးဖိုမှချကာတည်ခင်းသုံးဆောင်နိုင်ပါပြီ။

Share:

ကြက်သားစင်းကောသုပ်

 

Thai Style Mince Chicken Salad
ယိုးဒယားစင်းကောသုပ်လေးကိုအဆာပြေဘဲစားစားဟင်းတခွက်အဖြစ်ဘဲလုပ်စားစားစားရတာအဆင်ပြေလှတဲ့အနံ့အရသာနဲ့ပြည့်စုံသောအသုပ်လေးဘဲဖြစ်ပါတယ်။ကြက်သားအစားနှစ်သက်ရာအ သားဖြင့်ပြောင်းပြီးသုပ်နိုင်ပါတယ်။သုပ်စားကြည့်ရအောင်နော်။
ပါဝင်ပစ္စည်း
******
ကြက်သား - ၂၀၀  ဂရမ်  ( နှစ်သက်ရာအသား )
ၾကက္သြန္နီ - တစ္လံုး
ကြက်သွန်မိတ် - ၃ပင်
ပူစီနံ - လက်တဆုပ်
ရှောက်ခါးရွက် - တစ်ရွက်
စပါးလင် - တစ်ချောင်း
ငရုပ်သီး အလှော်မှုန့် - တစ်ဇွန်း စားပွဲဇွန်း
ငံပြာရည် - တစ် ဇွန်း
သံပုရာရည် - တစ်ဇွန်း
ဆန်လှော်မှုန့်  - တစ်ဇွန်း
အချိုမှုန့် သို့ ဟင်းခပ်မှုန့် - လ႓က်ဇွန်း တစ်ဇွန်း
ကြက်ပြုတ်ရည်သို့ ရေ - အနည်းငယ်
ပြင်ဆင်ပြုလုပ်ပုံ
*************
1.ဦးစွာအသားကိုကြိတ်ပါသို့မဟုတ်ညက်အောင်စင်းထားပါ။
2.စင်းထားသောအသားကိုလက်ကိုင်အိုးတခုတွင်ထည့်ပြီးရေအနည်းငယ်ဖြင့်မီးဖိုပေါ်တွင်အပူပေးပါ။အခဲများမဖြစ်အောင်မွေပေးပါ။ဆူပွက်ပြီးအသားကျက်ပါကမီးဖိုမှချထားပါ။
3.ကြက်သွန်နီပါးပါးစိတ်၊ကြက်သွန်မိတ်၊ပူစီနံ၊စပါးလင်နုနုရှောက်ရွက်တို့ကိုသေးသေးစိတ်ပြီးကြက်သားစင်းကောပြုတ်ထားသောအိုးထည်းသို့ရောထည့်ပါ။
4.ငံပြာရည်အချိုမှုန့်သံပုရာရည်တို့ဖြင့်အရသာဖြည့်စွက်ပြီးဆန်လှော်မှုန့်၊ငရုပ်သီးမှုန့်၊ထည့်ကာသမေ အာင်မွေပေးပါ။အရသာအပေါ့အငံမြည်းပြီးချဉ်ငံစပ်အသားစင်းကောသုတ်လေးကိုပန်းကန်တွင်တည်ခင်းပြီးပူစီနံအနည်းငယ်ဖြင့်အလှဆင်ကာသုံးဆောင်နိုင်ပါပြီ။5.တွဲဖက်အနေဖြင့်ဆလပ်ရွက်ကောက်ညင်းပေါင်းတို့ဖြင့်လည်းတည်ခင်းသုံးဆောင်လေ့ရှိကြပါတယ်။
❀ဆန်လှော်မှုန့်မှာဆန်(သို့)ကောက်ညင်းဆန်ကိုစပါးလင်ရှောက်ရွက်သေးသေးစိတ်ဖြင့်အရောင်ရအောင်ရောလှော်ပြီးခပ်ကြမ်းကြမ်းအနေထားကြိတ်ထားခြင်းဖြစ်ပါတယ်။

Share:

ကြက်သားလုံးဟင်း (စူကြည်း)


 စူကြည်းလို့ခေါ်တဲ့ပန်းသေးရိုးရာဟင်းလေးကရိုးရိုးလေးနဲ့စားရတာအရသာအရမ်းရှိပါတယ်။မင်္ဂလာဧည့်ခံပွဲ ၊ ဧည့်ဖိတ်၊ မိတ်ဆုံစားပွဲတွေမှာ တည်ခင်းလေ့ရှိပါတယ်။ပြုလုပ်ရလွယ်ကူပြီးအရသာထူးတဲ့ကြက်သားဟင်းလေးကိုချက်စားကြည့်ကြရအောင်နော်။
ကြက်သားလုံးပြုလုပ်ရန်လိုပါဝင်ပစ္စည်း
****************************
ကြက်သား - ၃၀၀ ဂရမ်
ဂျုံ -၂၅၀ ဂရမ်
ကြက်ဥ- ငါးလုံး
ပြင်ဆင်ပြုလုပ်ပုံ
*************
1.ကြက်သားကိုအနေတော်အတုံးတုံးထားပါ ။
2.ပန်းကန်တခုတွင်ဂျုံကိုကြက်ဥဖြင့်ဖျော်ပါ။ရေမပါ၍စေးပျစ်နေပါမယ် ။ 3.ဖျော်ပြီးသားမုန့်နှစ်ထည်းသို့ကြက်သားတုံးနှစ်ပြီးဆီပူတွင်အရောင်ရသည်ထိချကြော်ကာဆီစစ်ထားပါ။
ဟင်းချက်ရန်လိုအပ်သောပစ္စည်း
***********************
ကြက်သားလုံးကြော်
ကြက်သွန်နီ - အလုံးကြီး ၂လုံး (အမြောင်းကြီးကြီးလှီးပါ)
ကြက်သွန်ဖြူ  - ၁၅ မြောင်း
ဂျင်း - တတက် (အမျှင်လှီးထားပါ)
ရှောက်ကော - ၂လုံး (တရုပ်မဆလာ)
ကြက်ပြုတ်ရည်/ရိုးရိုးရေ - လိုသလောက်
ဆီ -အနည်းငယ်
ကြက်သွန်မိတ် -ဖြူးရန်
ပြင်ဆင်ချက်ပြုတ်ပုံ
***************
1.ဦးစွာပထမမိမိချက်မည့်အိုးတွင်ဆီထည့်ပြီးကြက်သွန်အမြောင်းကြီးနှင့်ကြက်သွန်ဖြူအမြောင်းလိုက်တို့ကိုချကြော်ပါ။
နီရောင်သမ်းပါကဆယ်ထုတ်ထားပါ ။ 2.လက်ကျန်ဆီတွင်ဂျင်းလှီးပြီးသားနှင့်ရှောက်ကောကိုထုပြီးဆီသပ်ပါ။3.ကြက်သားလုံးများကိုထည့်ပါ ။ ကြက်ပြုတ်ရည်(ရိုးရိုးရည်)ကြက်သားလုံးမြုပ်အောင်ထည့်ပါ။
4.ဆားနှင့်ဟင်းခပ်မှုန့်ထည့်ပြီးဆူပွက်အောင်တည်ပါ။
5.ဆူပွက်လာပါကကြက်သွန်နီဖြူကြော်ထားသည်များကိုရောထည့်ပြီးမီးကိုအသေးဆုံးထိလျော့ချကာကြက်သားလုံးများနူးအိလာအောင်တည်ပေးပါ ။
❀❀တည်ထားစဉ်ယောက်မဖြင့်မွေခြင်းကိုဂရုပြုပါ ။
❀❀အသားလုံးပုံစံမပျက်အောင်ခဏခဏမမွေဘဲအိုးစောင်းလှုပ်ပေးရုံသာမွေပေးပါ။
❀❀ဂျုံနဲ့ကြက်ဥဖျော်ပြီးကြော်ထားသော ကြက်သားလုံးမှာမာကျစ်နေ၍မီးအေးအေးဖြင့်အကြာကြီးတည်ရပါ့မယ်။
❀❀မီးပြင်းပါကကြက်သားလုံးကွဲ၍ပွင့်သွားပြီးဟင်းပွဲမလှဖြစ်တတ်ပါတယ်။6.လိုအပ်ပါကရေထပ်ထည့်ပေးပါ။ ကြက်သားတုံးအိမအိကိုတူလေးဖြင့်ထိုးကြည့်ပါ။7.နူးအိပါကမီးဖိုမှချကာပန်းကန်တွင်ကြက်သားတုံးနှင့်ဟင်းရည်ကိုမျှအောင်ထည့်ပြီးကြက်သွန်မိတ်ဖြူးကာသုံးဆောင်နိုင်ပါပြီ ။

 

Share:

ဗုံလုံသီးဝက်သားအစာသွတ်ချက်

 
 

ဗုံလုံသီးကို ကျမတို့ဒေသဘက်မှာတော့ ပဲလင်းမြွေသီးလို့လည်း ခေါ်ပါတယ်။ ဗုံလုံသီး သီးတဲ့အခါ အုပ်မိုးထားတဲ့ အရွက်များအောက်မှာ တွဲလောင်းကျပြီး သီးတာကြောင့် အမှတ်တမဲ့ကြည့်ရင် မြွေနှင့်ခပ်ဆင်ဆင်တူပါတယ်။ အသီးရဲ့အရွယ်အစားကလည်း အလျားလိုက် ရှည်ထွက်ပြီးသီးတတ်သလို  တစ်ခါတစ်ရံမှာ ခွေပတ်တွန့်လိမ်ပြီးသီးတဲ့အပြင်  အစိမ်းရောင်အသီးပေါ်မှာ အစိမ်း နုရောင်နဲ့  အဖြူရောင် အကြောင်အကျားတွေပါလေ့ရှိလို့ ကျမတို့အရပ်ဒေသမှာတော့ ဗုံလုံသီးကို ပဲလင်းမြွေသီးလို့ပဲ ခေါ်တယ်လို့ သိရပါတယ်။

ဗုံလုံသီးမှာ အမျှင်ဓာတ်၊ အရည်ဓာတ် ပါဝင်မှုများသလို သူ့ရဲ့အရသာက ချိုချိုလေးမို့ မြန်မာ လူမျိုးအများစု ကြိုက်နှစ်သက် ကြပါတယ်။ ဗုံလုံသီးအခေါင်းက ခပ်ပွပွမို့ အဲ့ဒီထဲမှာ နှစ်သက်ရာ အသား၊ငါး၊ ပုစွန်တို့ကို အစာသွပ် ချက်နိုင်ပါတယ်နော်။

အခုတင်ပြမည့် ဟင်းကတော့ ဗုံလုံသီးထဲကို ဝက်သားကို အစာသွပ်ချက်နည်းလေးကို တင်ပြသွားမှာဖြစ်ပါတယ်။ ဗုံလုံသီး ဝက်သားအစာသွပ်ချက်ဖို့အတွက် လိုအပ်တဲ့ ပါဝင်  ပစ္စည်း တွေကတော့-

  • ဗုံလုံသီးတစ်တောင့်
  • ဝက်သား(၁၀)ကျပ်သား
  • ကြက်သွန်နီ(၅)လုံး(အနေတော်အလုံး)
  • ခရမ်းချဉ်သီး(၁)လုံး
  • ငရုတ်သီးအရောင်တင်မှုန့်(၁)ဇွန်း
  • ဆားအနည်းငယ်
  • အချိုမှုန့်(သို့) ဟင်းခပ်မှုန့်အနည်းငယ်
  • ဆီ ဟင်းစားဇွန်း(၄)ဇွန်းတို့ လိုအပ်မှာဖြစ်ပါတယ်။

ပြုလုပ်ပုံအဆင့်ဆင့်

  1. ဝက်သားများကို ရေဖြင့် ဆေးပြီး ရေစစ်ကာ နုတ်နုတ်စင်းထားပါ။ ကြက်သွန်နီ၊ခရမ်းချဉ်သီးတို့ကိုလည်း ရေဆေးပြီး နုတ်နုတ်စင်းပါ။
  2. ဗုံလုံသီးကို လက်နှစ်ဆစ် သို့မဟုတ် သုံးဆစ်ခန့်အရွယ် လှီးပြီး အတွင်းမှ အစေ့အရင့်များဖယ်ထုတ်ပြီး  ရေဆေး၍ စစ်ထားပါ။
  3. နုတ်နုတ်စင်းထားသော ဝက်သား၊ ကြက်သွန်နှင့် ခရမ်းချဉ်သီးတို့ကို ပန်းကန်တစ်ခုထဲသို့ ထည့်ပြီး ဆား၊ အချိုမှုန့်များထည့်၍ နှံ့စပ်အောင်နယ်ပြီး နှပ်ထားပါ။
  4. ရေစစ်ထားသော ဗုံလုံသီးထဲသို့ နှပ်ထားသော ဝက်သားများကို အစာသွပ်ပါ။
  5. ဗုံလုံသီးချက်မည့်အိုးထဲသို့ ဆီထည့်ပြီး ဆီပူလာပါက ငရုတ်သီးအရောင်တင်မှုန့်များထည့်ပြီး ငရုတ်ဆီအရောင်များတက်လာပါက အစာသွပ်ထားသော ဗုံလုံသီးထည့်ပြီး နှံ့စပ်အောင်မွှေပြီး ဆီအနည်းငယ်ပြန်လာပါက ရေဖန်ခွက်တစ်ဝက်ခန့်ထည့် အဖုံးအုပ်၍ (၂၀)မိနစ်ခန့် တည်ထား ပါ။
  6. ဗုံလုံသီးများ နူးအိပြီး အသားများလည်းနူးလာပါက ဆား၊ အချိုမှုန့် အရသာ ထည့်၍ မီးပိတ်ကာ ဗုံလုံသီးဝက်သားအစာသွပ်ချက်ကို သုံးဆောင်နိုင်ပြီဖြစ်ပါတယ်နော်။

ဗုံလုံသီးဝက်သားအစာသွပ်ချက်နဲ့ သရက်ချဉ်သုပ်၊ ပဲနီလေးကြာဆံပဲဟင်းလေးတွေနဲ့ တွဲဖက်စားသုံးလိုက်ရင် ခံတွင်းမြိန်စေမှာ သေချာပါတယ်နော်။

 

Share:

ဝက်သားနီချက်


 

ဝက်သားနဲ့ပတ်သက်လို့ ဆိုရိုးစကားတစ်ခုကတော့ အသီးမှာ သရက်၊ အရွက်မှာ လက်ဖက် ၊ အသားမှာ ဝက်လို့ ပြောလေ့ရှိပါတယ်။ ဒါ့ကြောင့် ဝက်သားဟင်းဆိုရင် လူကြီး လူငယ်မရွေး အများစုကြိုက်နှစ်သက်တဲ့ အသားတစ်မျိုးလည်းဖြစ်ပါတယ်။ ဝက်သားချက်ရင် အခြားနယ်ဘက်တွေမှာတော့ ဆား၊ ဆနွင်း၊ငံပြာရည်စသဖြင့် ချက်လေ့ရှိပေမဲ့ မုံရွာနယ်တစ်ဝိုက်မှာတော့ ဝက်သားချက်ရင် ကြာညို့ကို အသုံးပြုပြီးချက်လေ့ရှိပါတယ်။

ဝက်သားနီချက်ဖို့အတွက် လိုအပ်တဲ့ပစ္စည်းတွေကတော့-

  • ဝက်သား(၂၅)ကျပ်သား
  • ကြာညို့အနည်းငယ်
  • ဆီအနည်းငယ်
  • ဆားအနည်းငယ်
  • ဟင်းချိုမှုန့်(သို့)ဟင်းခပ်မှုန့် အနည်းငယ်
  • ငရုတ်သီးအရောင်တင်မှုန့် အနည်းငယ်
  • ဂျင်းတက်အနည်းငယ်

ပြုလုပ်ပုံအဆင့်ဆင့်

  1. ဝက်သားကို အနေတော်တုံးလေးများ လှီးပါ။လှီးထားသော ဝက်သားတုံးများကို ရေစင်အောင်ဆေးကြောပါ။
  2. ထို့နောက် ဝက်သားတုံးများကို ကြာညို့အနည်းငယ်၊ဆား၊ဟင်းခပ်မှုန့်အနည်းငယ်တို့ဖြင့် နှပ်ထားပါ။
  3. ဝက်သားနီချက် ချက်မည့ဒယ်အိုးထဲသို့ ဆီကိုအရင်ထည့်ပြီး ဆီကျက်လာပါက ထောင်းထားသော ဂျင်းတက်နှင့်ကြက်သွန်ဖြူ တို့ ထည့်ပြီး ဆီသတ်ပါ။
  4. ဂျင်း၊ ကြက်သွန်ဖြူဆီသတ်တာ အနံ့များမွှေးကြိုင်လာပါက နှပ်ထားသောဝက်သားကို ထည့်ပြီး နှံ့စပ်အောင်မွှေ၍ ရေဖန်ခွက်(၃)ခွက်ခန့် ထည့်ပြီး မိနစ်(၃၀)ခန့်ကြာအောင် မီးပြင်းပြင်းနဲ့ ချက်ပါ။
  5. ဝက်သားအိပြီးဆီပြန်လာလျှင် အရသာမြည်းစမ်း၍ လိုအပ်ပါက ဆား၊ အချိုမှုန့်များထည့်ပြီး ဟင်းအိုးမီးပိတ်ကာ  ဝက်သားနီချက်ကို သုံးဆောင်နိုင်ပါပြီနော်။

ကျန်းမာရေးရှုထောင့်က ကြည့်မယ်ဆိုရင်တော့ ဝက်သားမှာ ပရိုတင်းဓာတ်ပါဝင်မှု အများဆုံး ဖြစ်ပေမဲ့ အခြားအသားတွေထက်တော့ အဆီဓာတ်များတဲ့အပြင် ဝက်သားမှာပါဝင်တဲ့ အဆီ အများစုက ပြည့်ဝဆီဖြစ်တာကြောင့် အများကြီးစားသုံးမယ်ဆိုရင်တော့ သွေးတွင်း အဆီဓာတ် ကို မြင့်တက်နိုင်တယ်လို့လည်း ကျန်းမာရေးဆောင်းပါးတွေမှာ ရေးထားတာ ဖတ်ဖူးပါတယ်။

ဒါ့ကြောင့် ဝက်သားကို ကြိုက်လို့ စားမယ်ဆိုရင်တော့ အဆီနည်းပြီး အသားများတဲ့ဟာကို ရွေးချယ်စားသင့်ကြောင်း ကျန်းမာရေးရှုထောင့်ကနေ အကြံပေးချင်ပါတယ်နော်။

 

Share:

ကြက်သားဂွေးတောက်ချက်


 

ကြက်သားကို ဆီပြန်ဟင်းတွေချက်စားရတာ ရိုးနေတဲ့ ဟင်းချက်ဝါသနာရှင်တွေအတွက် ကြက်သားဂွေးတောက်ဟင်းချက်နည်းလေးကို ဝေမျှချင်ပါတယ်နော်။ ကြက်သား ဂွေးတောက်ဟင်းရည်ဆိုရင်တော့ စားသောက်ဆိုင်တွေမှာလည်း အမျိုးသားအများစု မှာစားလေ့ရှိကြတဲ့ ဟင်းတစ်မယ်လည်းဖြစ်ပါတယ်နော်။

  • ကြက်သားဂွေးတောက်ဟင်းချက်ဖို့အတွက်ဆိုရင် -
  • ကြက်သား(၁၀)သား၊
  • ဂွေးတောက်ရွက်(၅)ကျပ်သား၊
  • ကြက်သွန်နီ(အလုံးသေး) ၅ လုံး၊
  • ခရမ်းချဉ်သီး(၁)လုံး၊
  • ကြက်သွန်ဖြူ(ဗမာ) (၅)မွှာ၊
  • ငရုတ်သီးအရောင်တင်မှုန့် လက်ဖက်စားဇွန်းတစ်ဝက်ခန့်၊
  • ဆားအနည်းငယ်၊
  • ဟင်းချိုမှုန့် သို့မဟုတ် ကြက်သားမှုန့်အနည်းငယ်၊
  • ဆီဟင်းစားဇွန်း(၁)ဇွန်းတို့ လိုအပ်မှာဖြစ်ပါတယ်နော်။

ပြုလုပ်ပုံအဆင့်ဆင့်

  1. ကြက်သားများကို အတုံးငယ်များဖြစ်အောင် တုံးပြီး ရေဆေးကာ ဆားအနည်းငယ်ဖြင့် နယ်၍ နှပ်ထား ပါ။
  2. ဂွေးတောက်ရွက်ကို အရွက်ရင့်/ကြမ်းများ မပါရှိစေရန် ဖယ်၍ ရေဆေးပြီး စစ်ထားပါ။
  3. ကြက်သွန်နီ၊ ခရမ်းချဉ်သီးများ လှီးထားပါ။ ကြက်သွန်ဖြူ ထောင်းထားပါ။
  4. ဒယ်အိုးထဲသို့ ဆီအနည်းငယ်ထည့်ပြီး ဆီပူလာပါက ငရုတ်သီးအရောင်တင်မှုန့်နှင့် လှီးထားသော ကြက်သွန်နီ၊ခရမ်းချဉ်သီးတို့ဖြင့် ဆီသတ်ပါ။
  5. ထို့နောက် နှပ်ထားသော ကြက်သားထည့်၍ နှံ့စပ်အောင်မွှေ၍ ဆီပြန်လာပါက ရေဖန်ခွက်(၄)ခွက်ခန့်ထည့်ပြီး အဖုံးအုပ်၍ (၁၅)မိနစ်ခန့်တည်ထားပါ။
  6. ကြက်သားဟင်းရည်များ ပွက်ပွက်ဆူပြီး ကြက်သားနူး/မနူးမြည်းကြည့်ပါ။ ကြက်သားမနူးသေးပါက ရေ(၁)ဖန်ခွက်ခန့်ထပ်ဖြည့်၍ ဟင်းအိုးအဖုံးအုပ်ပြီး တည်ထားပါ။
  7. ကြက်သားနူးပြီး  ဟင်းရည်ရေဖန်ခွက်(၁)ခွက်ခွဲစာခန့် ကျန်ပါက ရေဆေးထား‌သော ဂွေးတောက်ရွက်များ ထည့်ပါ။(ဂွေးတောက်ရွက်အရောင် အစိမ်းရောင် မပျက်ရရှိစေရန်အတွက် ဟင်းအိုးအဖုံးမဖုံးရပါ)
  8. ထို့နောက် ထောင်းထားသော ကြက်သွန်ဖြူ၊ ဆား၊အချိုမှုန့်တို့ကို ခပ်၍ အရသာ မြည်းစမ်းကာ ဟင်းအိုးကို မီးပိတ်၍ သုံးဆောင်နိုင်မည်ဖြစ်ပါသည်။ (ဂွေးတောက်ရွက်ကို အချိန်ကြာကြာချက်ပါက အရသာပိုပြီးခါးတတ်သဖြင့် ကြက်သားထဲသို့ ထည့်ပြီး(၅)မိနစ်ခန့် ချက်ပြီးနောက် ပူပူနွေးနွေးသုံးဆောင်သင့်ပါသည်။

ကြက်သားဂွေးတောက်ဟင်းရည်နှင့် သရက်သီးစပ်ချဉ်ထောင်း၊ အာလူးအစိုကြော် တို့ကတော့ လိုက်ဖက်တဲ့ ဟင်းအတွဲလေးဖြစ်ပါကြောင်း တင်ပြလိုက်ရပါတယ်နော်။

 

Share:

ဝက်သားသရက်ချဉ်ဆီပျံဟင်း

အသားမှာဝက်၊ အသီးမှာသရက်၊ အရွက်မှာလက်ဖက်လို့တင်စားရလောက်အောင် ဝက်သားဟာ မြန်မာလူမျိုးအများစု ကြိုက်နှစ်တဲ့အသားတစ်မျိုးပါ။ ဝက်သားကို အမျိုးမျိုးချက်ပြုတ် ကြော်လှော် စားသောက်လို့ရတာကိုလည်း ဟင်းချက်ဝါသနာရှင်တွေသိရှိပြီးဖြစ်မှာပါ။ အချို့လူတွေကတော့ ဝက်သားဆိုရင် အဆီလေးနဲ့အရသာ ပိုရှိတယ်လို့ ဆိုကြပါတယ်။ ဝက်သားကို အဆီနဲ့လည်း စားချင်တယ်၊ အီမှာလည်းစိုးရိမ်ကြတဲ့သူတွေအတွက် ဝက်သားကို သရက်ချဉ်လေးနဲ့ အအီပြေအောင် ချက်စားတဲ့နည်းလေးကို ဝေမျှချင်ပါတယ်နော်။

  • ဝက်သား သရက်ချဉ်ချက်အတွက် လိုအပ်တဲ့ ပါဝင်ပစ္စည်းတွေကတော့
  • ဝက်သား ၁၅ ကျပ်သား
  • သရက်ချဉ် ၇ ကျပ်ခွဲသား(အထုပ်သေး (၁)ထုပ်)
  • ငပိ အနည်းငယ်
  • အရောင်တင်မှုန့် အနည်းငယ်
  • ကြက်သွန်နီ ၁ လုံး
  • ခရမ်းချဉ်သီး ၁ လုံး
  • ဆီ ဟင်းစားဇွန်း ၅ ဇွန်းခန့်
  • ဆား အနည်းငယ်
  • အချိုမှုန့် သို့မဟုတ် ဟင်းခတ်မှုန့် အနည်းငယ်လိုအပ်မှာဖြစ်ပါတယ်။

ပြုလုပ်ပုံအဆင့်အဆင့်

  1. ဝက်သားကို အတုံးငယ်များ တုံး၍ ရေဆေးထားပါ။
  2. သရက်ချဉ်ကို သဲများ၊ အမှိုက်များ မပါရှိစေရန် ရေဆေးထားပါ။
  3. ကြက်သွန်နီနှင့် ခရမ်းချဉ်သီးကို ရေဆေးပြီး လှီးထားပါ။
  4. ဟင်းချက်မည့် အိုးထဲတို့ ဆီအရင်ထည့်ပါ။ ဆီပူလာပါက လှီးထားသော ကြက်သွန်နီ၊ ခရမ်းချဉ်သီးနှင့်  ငပိ၊ အရောင်တင်မှုန့်တို့ကို ရော၍ ဆီသတ်ပါ။
  5.  ထို့နောက် အတုံးငယ်များ တုံးထားသော ဝက်သားကို ထည့်၍ နှံ့စပ်အောင် မွှေပါ။
  6. ဝက်သား နူးအိစေရန်အတွက် ရေဖန်ခွက်(၃)ခွက်စာခန့်ထည့်၍ နူးအိသည်အထိ ချက်ပြုတ်ပါ။
  7. ဝက်သား နူးအိလာပါက ရေဆေးထားသော သရက်ချဉ်များ ထည့်ပါ။
  8. သရက်ချဉ်ထည့်ပြီး ဆီပြန်လာပါ ဆား၊ အချိုမှုန့်များထည့်၍ အရသာ မြည်းစမ်းကြည့်ပါ။
  9. အရသာ အနေအထား အဆင်ပြေပါက ဟင်းအိုးကို မီးပိတ်၍ ဝက်သားသရက်ချဉ်ဆီပျံဟင်းကို သုံးဆောင်နိုင်မည် ဖြစ်ပါသည်။

ဝက်သားသရက်ချဉ်ဆီပျံဟင်းကို အညာဘက်မှာဖျော်လေ့ရှိတဲ့ ငံပြာရည်ဖျော်နဲ့ ကြက်သွန်နီနဲ့ အခြားအတို့အမြှုပ်အစုံလေးနဲ့ ဘူးရွက်ဟင်းချိုလေးနဲ့ တွဲဖက်စားသုံးလိုက်မယ်ဆိုရင် စားမြိန် မှာ အသေအချာပါပဲနော်။


 

Share:

ဆိတ်သားခြောက် ခရမ်းချဉ်သီး ဆီပြန်ဟင်း

 ဆိတ်သားစားချင်သော်လည်း ညှီနံ့ကြောက်လို့ ချက်မစားဖြစ်ကြတဲ့သူတွေအနေနဲ့ Ready Made ပြုလုပ်ထားတဲ့ ဆိတ်သားခြောက်ကို မီးကင်စားလို့ရတယ်၊ ကြော်စားလို့ရတယ်။ ဒါ့အပြင် ဟင်းအနှစ်နဲ့ချက်စားလို့ ရပါသေးတယ်နော်။ ဒါ့ကြောင့် ဒီနေ့မှာတော့ Ready Made ပြုလုပ်ထားတဲ့ ဆိတ်သားခြောက်ကို ခရမ်းချဉ်သီးနဲ့ ဆီပြန်ချက်စားလို့ရကြောင်းကို တင်ပြပေးမှာဖြစ်ပါတယ်။


 

ပါဝင်ပစ္စည်းများ

  • ဆိတ်သားခြောက် ၈ ချောင်းခန့်
  • ခရမ်းချဉ်သီး ၅ လုံး
  • ကြက်သွန်နီအလုံးကြီး ၃လုံး
  • ဗမာကြက်သွန်ဖြူ ၅မွှာ
  • အရောင်တင်မှုန့် လက်ဖက်ရည်ဇွန်း ၁ ဇွန်း
  • ဆီ ၅ ကျပ်သား
  • ဆား အနည်းငယ်
  • အချိုမှုန့်  သို့မဟုတ် ဟင်းခတ်မှုန့် အနည်းငယ်

ပြုလုပ်ပုံအဆင့်ဆင့်

  1. ဆိတ်သားခြောက်ကို အတုံးငယ်လေးများ ဖြစ်အောင် ပါးပါးလှီးထားပြီး ရေဆေးထားပါ။
  2. ခရမ်းချဉ်သီးကို ရေဆေး၍ လှီးထားပါ။ ဟင်းချက်တဲ့နေရာမှာ ဗမာခရမ်းချဉ်သီးနဲ့ချက်ရင် နူးအိလွယ်ပြီး သဘာဝအချဉ်ဓာတ်ကို ပိုမိုရရှိတဲ့အတွက် အအီပြေပါတယ်။
  3. ကြက်သွန်ဖြူ၊ ကြက်သွန်နီတို့ကို အခွံနွှာ၍ ငရုတ်ဆုံတွင် ညက်အောင်ထောင်းပါ။ ငရုတ်ဆုံမရှိပါက ကြိတ်စက်ဖြင့် ကြိတ်ပါ။
  4. ချက်မည့်ဒယ်အိုးထဲသို့ ဆီများထည့်ပါ။ ဆီပူလာပါက ထောင်းထားသော ကြက်သွန်နီ၊ ကြက်သွန်ဖြူတို့ကို ဆီသတ်ပါ။
  5. အနံ့များမွှေးလာပါက အရောင်တင်မှုန့်ကို ထည့်ပါ ။ အရောင်တက်လာပါက လှီးထားသော ခရမ်းချဉ်သီးများထည့်၍ နှံ့အောင် မွှေ၍ ရေအနည်းငယ်ထည့်၍ အဖုံးအုပ်ထားပါ။
  6. မိနစ်အနည်းငယ်ကြာပြီးနောက် ခရမ်းချဉ်သီးများ နူးအိပြီး အနှစ်ကျသည်အထိ ဇွန်းဖြင့် ချေပါ။ခရမ်းချဉ်သီးများ အနှစ်ကျလာပါက ပါးပါးလှီးထားသော ဆိတ်သားခြောက်များ ထည့်၍ ရေအနည်းငယ် ထည့်ပါ။ (မှတ်ချက်-ဆိတ်သားခြောက်နှင့် ခရမ်းချဉ်သီးကို အတူမထည့်ဘဲ သီးခြားစီခွဲထည့်ရပါမယ်နော်။ ခရမ်းချဉ်သီးနဲ့အတူ ဆိတ်သားခြောက်ကိုပါ အတူထည့်ပါက ခရမ်းချဉ်သီးများသည် အနှစ်မကျဘဲ အတုံးလိုက်ဖြစ်နေတတ်ပြီး ပါးပါးလှီးထားသော ဆိတ်သားခြောက်များ ကျေသွားတတ်ပါတယ်နော်။ ဒါ့အပြင် ခရမ်းချဉ်သီး နူးနပ်တဲ့အနံ့မဟုတ်ဘဲ စိမ်းနံ့နံတတ်ပါတယ်နော်။)
  7. ဆိပ်သားခြောက်များ နူးအိပြီး ဆီပြန်လာပါက မီးလျှော့၍ ဆား၊ အချိုမှုန့် သို့မဟုတ် ဟင်းခတ်မှုန့်များထည့်၍ အိုးမကပ်စေရန် နှံ့အောင်မွှေပါ။ ကြိုက်နှစ်သက်ပါက နံနံပင်များထည့်နိုင်ပါတယ်နော်။
  8. ဒါဆိုရင် ဆိတ်သားခြောက် ခရမ်းချဉ်သီး ဆီပြန်ဟင်းလေးကို သူနဲ့ ဟင်းတွဲဖြစ်တဲ့ ဘူးရွက်ဟင်းချိုလေး သို့မဟုတ် ဘူးသီးဟင်းခါးလေးနဲ့ သရက်ချဉ်သုပ်လေးနဲ့ တွဲဖက် စားသုံးလိုက်ရင် ထမင်းမြိန်စေမှာ အမှန်ပါပဲနော်။

 

 

Share:

Popular Posts

ၸိူင်းငဝ်းတူင်ႉ ၽႃႇသႃႇလိၵ်ႈတႆး. Powered by Blogger.

Contact Us

Tel: +959691051467




MM Chef ဟင်းချက်နည်း အပ်ပလီကေးရှင်းသည် အချက်အပြုတ်ဝါသနာရှင်များအတွက် အထူးပင် အသုံးဝင်သော ဖုန်းဆော့ဝဲ တစ်ခုဖြစ်ပါသည်။

Recent Posts

Blog Archive

  • ()

BTemplates.com

About

About

Blogroll

Pages - Menu