ရှာဖွေရန်

Showing posts with label အရည်သောက်ဟင်းများ. Show all posts
Showing posts with label အရည်သောက်ဟင်းများ. Show all posts

မျှစ်စိမ့်ဆန်လှော်ဟင်း

 

ရှမ်းပြည်တောင်ပိုင်းအစားအစာတခုဖြစ်တဲ့မျှစ်စိမ့်ဆန်လှော်ဟင်းဖြစ်ပါတယ်။ဒီဟင်းချက်နည်းလေး ကိုမျှဝေပေးလာတာကတော့တောင်ကြီးမြို့မှညီမယွန်းဖူးဖူးဘဲဖြစ်ပါတယ်။ချက်စားကြည့်ရအောင်ေ နာ်။
ပါဝင်ပစ္စည်း
********
မျှစ် - ၁၅၀ ဂရမ်
ဂျင်းကြက်သွန်ဖြူ - တစ်ဇွန်း စားပွဲဇွန်း
ၾကက္သြန္နီ - ႏွစ္လံုး
နနွင်း - အနည်းငယ်
ငါးရံ့ - တစ်ကောင်
ဆန်လှော်မှုန့် - နှစ်ဇွန်း စားပွဲဇွန်း
ဆီ - ငါးရံ့ကြော်ရန်
ပူစီနံ - တစ်ပန်းကန်
ဆား - ဇွန်းတဝက်
ဟင်းခပ်မှုန့် - တစ်ဇွန်း
ပြင်ဆင်ပြူလုပ်ပုံ
***********
1.မျှစ်အစိမ်းကိုခြစ်ပြီးရေတရက်နှင့်တညစိမ်ထားပါ။2.မျှစ်ပျော့လာပါကအိုးတခုတွင်ဆားအနည်းငယ်ထည့်ပြီးပြုတ်ပါ။ဆူပွက်ပါကရေစစ်ထုတ်ပြီးဒုတိယအကြိမ်ပြုတ်ပြီးရေစစ်ထားပါ။❀ဆိုဖီယာတော့မျှစ်စိမ်းအစားမျှစ်ပြုတ်ကိုအသုံးပြုထားပါတယ်။
3.ပြုတ်ထားသောမျှစ်အသင့်ဖြစ်ပါကအိုးတခုတွင်ပြုတ်ထားသောမျှစ်ဂျင်းကြက်သွန်ဖြူနှင့်ရေထည့်ပြီးတည်ပါ။နနွင်းအနည်းငယ်နှင့်ဆီအနည်းငယ်ထည့်ပါ။ ဆားဟင်းခပ်မှုန့်ထည့်ပြီးဆူပွက်အောင်တည်ထား ပါ။
4.ဂျင်းကြက်သွန်ဖြူစိမ်းနံ့ပျောက်ပါကဆန်လှော်မှုန့်ထည့်ပါ။
5.ကြက်သွန်နီနှစ်လုံးကိုဆီသပ်ပြီးထည့်ပါ။အရသာ အပေါ့အငံမြည်းပါ။အပျစ်အကျဲလိုသလိုပြုပြင်ပါ။
6.ငါးရံ့ကိုအကွင်းလှီးပြီးအရသာအနည်းငယ်ဖြင့်နယ်ကာဆီပူတွင်ချကြော်ထားပါ။ပူစီနံများများကို သင်ထားပါ။
7.မျှစ်စိမ့်ဆန်လှော်ဟင်းအပျစ်အကျဲအရသာအနေတော်ပါကသုံးဆောင်ခါနီးအချိန်တွင်ပူစီနံရွက်များများခပ်ထည့်ပြီးဆူပွက်အောင်တည်ကာငါးကြော်ထည့်ပြီးတည်ခင်းသုံးဆောင်နိုင်ပါပြီ

Share:

ဖရုံရွက်ဟင်းချို

 

လွယ်ကူမြန်ဆန်ပြီးကျန်းမာရေးနဲ့ညီတဲ့အဆီလွတ်ဟင်းတခွက်ဖြစ်ပါတယ်။နေရာဒေသအလိုက်ချ က်နည်းများအနည်းငယ်ကွဲပြားကြပြီးရှမ်းပြည်မှချက်နည်းလေးမျှဝေပေးလိုက်ပါတယ်။တွဲဖက်အနေနဲ့ခရမ်းချဉ်သီးထောင်းပဲပုတ်ထောင်းငရုတ်သီးထောင်းတွေနဲ့လိုက်ဖက်တဲ့ဟင်းချိုတခွက်လည်းဖြစ်ပါတယ်။ချက်စားကြည့်ရအောင်နော်။
ပါဝင်ပစ္စည်း
********
ပဲပြင်းစေ့/ပဲကြား/ပဲလိပ်ပြာ-တစ်ခွက် နို့ဆီခွက်
ခရမ်းချဉ်သီး - တစ်လုံး
ၾကက္သြန္နီ - တစ္လံုး
ရှမ်းပဲပုတ် - တစ်ချပ်
ပြောင်းဖူး/ခရမ်းသီး - optional
ဖရုံရွက် - တစ်စည်း
ပင်စိမ်းရွက် - ၂ခက်
ဆား - အနည်းငယ်
ပြင်ဆင်ချက်ပြုတ်ပုံ
**************
1.ဦးစွာပဲကိုရေစိမ်အခွံသင်ပြီးကြက်သွန်နီသေးသေးစိတ်ထည့်ပြီးနူးအိအောင်ပြုတ်ထားပါ။
2.ပဲနူးပါကခရမ်းချဉ်သီးသေးသေးစိတ်ထည့်ပါ။ပြောင်းဖူးခရမ်းသီးထည့်လိုပါကသေးသေးလှီးပြီးလုံးချက်ပါ။ဆားထည့်ပါ။
3.အသီးအနှံများနူးအိပါကရေကိုလိုသလောက်ထည့်ပါ။ရှမ်းပဲပုတ်ထောင်းထားသည်ကိုထ ည့်ကာဟင်းရည်ကျသည်ထိတည်ထားပါ။
4.ဟင်းရည်ကျပါကအရသာအပေါ့အငံမြည်းကာရေဆေးသန့်စင်ထားသောဖရုံရွက်ထည့်ကာဆူပွက်အောင်တည်ပါ။
5.ဆူပွက်ပါကပင်စိမ်းရွက်အုပ်ကာမီးဖိုမှချကာတည်ခင်းသုံးဆောင်နိုင်ပါပြီ။
❀ဟင်းရည်အိုးကိုအသင့်တည်ထားပြီးသုံးဆောင်ခါနီးမှသာအရွက်ခပ်ပြီးချက်ချင်းသုံးဆောင်ပါ။
❀အထက်ပါနည်းအတိုင်းဖရုံရွက်အစားဘူးရွက်ဖြင့်လည်းချက်နိုင်ပါတယ်။

Share:

သရက်သီးခေတ္တာဟင်း

 

ရှမ်းအစားအစာတမျိုးဖြစ်တဲ့သရက်သီးဟင်းရည်လေးဖြစ်ပါတယ်။သရက်သီးစိမ်းတလုံးရှိရုံနဲ့ဟင်း တခွက်အဖြစ်တည်ခင်းနိုင်မဲ့အချဉ်ဟင်းလေးဘဲဖြစ်ပါတယ်။ပဲပုတ်ထောင်းကြော်နဲ့လိုက်ဖက်တဲ့ထမင်း
မြိန်စေမဲ့အဆီကင်းဟင်းတခွက်လည်းဖြစ်ပါတယ်။
ချက်စားကြည့်ရအောင်နော်။
ပါဝင်ပစ္စည်း
*********
သရက်သီးစိမ်း - တစ်လုံး
ခရမ်းချဉ်သီး - တစ်လုံး
ၾကက္သြန္နီ - တစ္လံုး
ကြက်သွန်ဖြူ  - ၃မြောင်း
မြေပဲလှော်ထောင်း - လက်တစ်ဆုပ်
ဆား - ဇွန်းတဝက် စားပွဲဇွန်း
ဟင်းခပ်မှုန့် - အနည်းငယ်
နံနံပင် - အနည်းငယ်
ပြင်ဆင်ပြုလုပ်ပုံ
************
1. သရက်သီးစိမ်းကိုအခွံသင်ပြီးပါးပါးလှီးထားပါ။
2.ကြက်သွန်နီခရမ်းချဉ်သီးပါးပါးစိတ်ထားပါ။
မြေပဲဆံလှော်ပြီးထောင်းထားပါ။ကြက်သွန်ဖြူကိုရို က်ပြားထားပါ။
3.အားလုံးအသင့်ဖြစ်ပါကဟင်းရည်ချက်မည့်အိုးတွင်သရက်သီးကြက်သွန်နီကြက်သွန်ဖြူခရမ်းချဉ်သီးတို့ကိုထည့်ပါ။ရေတစ်ပန်းလုံးထည့်ပြီးဆူပွက်အော င်တည်ပါ။
4.ဆူပွက်ပါကဆားဟင်းခပ်မှုန့်နှင့်မြေပဲထောင်းထည့်ကာသရက်သီးအနည်းငယ်အိအောင်တည်ပေးပါ။
5.သရက်သီးနူးအိပါကအရသာအပေါ့အငံမြည်းပြီးနံနံပင်ခပ်ကာတည်ခင်းသုံးဆောင်နိုင်ပါပြီ။

Share:

မျှစ်ဆတ်ဟင်း


 

မိုးဦးကာလမျှစ်စိမ်းတွေ တွေ့ရင် ဘယ်လိုချက်စားရမှန်းမသိတဲ့ ဟင်းချက်ဝါသနာရှင်များအတွက် အထက်အညာဒေသမှာ ချက်စားလေ့ရှိတဲ့ မျှစ်ဆတ်ဟင်း ခေါ် မျှစ်စိမ်းဟင်း ချက်နည်းလေးကို ဝေမျှချင်ပါတယ်နော်။
ဆီပြန်ဟင်းတွေကို ရိုးအီနေတဲ့သူများအတွက်တော့ ဆီနည်းပြီး မျှစ်စိမ်းနုနုရဲ့ သဘာဝအချိုလေးကို ဆန်လှော်လေးနဲ့ ချက်စားနိုင်တဲ့အကြောင်းကို တင်ပြပေးမှာဖြစ်ပါတယ်။ မျှစ်ဆတ်ဟင်း ချက်ဖို့အတွက် လိုအပ်တဲ့ ပါဝင်ပစ္စည်းတွေကတော့

  • မျှစ်စိမ်း ၃ ချောင်း
  • ကြက်သွန်နီ ၁ လုံး
  • ခရမ်းချဉ်သီး အသေး ၁ လုံး
  • ပုဇွန်ခြောက် ဟင်းစားဇွန်း ၁ ဇွန်း
  • လုံးသွယ်မွှေးဆန် သို့မဟုတ် ပေါ်ဆန်းမွှေးဆန် ဟင်းစားဇွန်း ၁ ဇွန်း
  • နနွင်းမှုန့်အနည်းငယ်
  • ဆားအနည်းငယ်
  • ဟင်းချိုမှုန့် သို့မဟုတ် ကြက်သားမှုန့် လဖက်ရည်ဇွန်း တစ်ဝက်
  • ပင်စိမ်းရွက် သို့မဟုတ် ရှမ်းနံနံ ၅ ခက်
  • ဆီ ဟင်းစားဇွန်း ၁ ဇွန်း

ပြုလုပ်ပုံအဆင့်ဆင့်

  1. မျှစ်စိမ်းကို အဖူးလိုက်ဝယ်လာရင် ခပ်ပါးပါးလှီးပါ။ ၎င်းနောက် လှီးပြီးသော မျှစ်စိမ်းများကို ရေဖြင့် ဆေးပြီးနောက် ရေအေးဖြင့် စိမ်ထားပါ။
  2. ကြက်သွန်နီကို ပါးပါးလှီးထားပါ။ခရမ်းချဉ်သီးကို အစေ့များထုတ်ပြီး ခပ်ပါးပါးလှီးထားပါ။ ကြက်သွန်ထည့်တာကတော့ မျှစ်စိမ်းကို ပိုချိုစေချင်တာဖြစ်ပြီး ခရမ်းချဉ်သီးကတော့ အရောင်လှစေဖို့အတွက် ထည့်တာပါနော်။
  3. ပုဇွန်ခြောက် ရေဆေး၍ ငရုတ်ဆုံဖြင့်ထောင်းပါ။ ဈေးထဲမှာအလွယ်တကူဝယ်လို့ရတဲ့ ပုစွန်ခြောက်မှုန့်တွေထက် ပုစွန်ခြောက်ကို ငရုတ်ဆုံနဲ့ မညက်တညက်ထောင်းထည့်တာကတော့ မြန်မာ့ရိုးရာနည်းမို့လို့လားမသိဘူး ပိုပြီးစားကောင်းသလိုပဲ။ ငရုတ်ဆုံနဲ့ထောင်းဖို့ အဆင်မပြေရင်လည်း ကြိက်စက်နဲ့ကြိတ်လည်းရပါတယ်နော်။ ပုစွန်ခြောက်မှုန့်ခပ်ရင်လည်း ရပါတယ်နော်။
  4. လုံးသွယ်မွှေး သို့မဟုတ် ပေါ်ဆန်းမွှေးဆန်ကို ရေစင်ကြယ်စွာ ဆေးပြီး  ငရုတ်ဆုံ သို့မဟုတ် ကြိတ်စက်နဲ့ အမှုန့်ပြုလုပ်ပါ။ အသင့်ထုတ်ထားတဲ့ ဆန်မှုန့်အစိမ်းကို သုံးရင်လည်းရပါတယ်။
  5. ချက်ပြုတ်မည့်အိုးထဲသို့ ပါဝင်ပစ္စည်းများဖြစ်တဲ့ ဆီ၊ မျှစ်စိမ်း၊ ဆန်မှုန့်နဲ့ နနွင်းမှုန့်၊ ပုစွန်ခြောက်မှုန့် တို့ကို ထည့်၍ လက်ဖြင့် နှံ့စပ်အောင်နယ်ပါ။ နနွင်းမှုန့်ကိုတော့ လက်ဖက်ရည်ဇွန်းဖျားလေးနဲ့ပဲထည့်သင့်ပါတယ်နော်၊ များသွားရင် နနွင်းနံ့ နံသွားမှာစိုးလို့ပါ။
  6. နှံ့စပ်အောင်နယ်ပြီးပါက လှီးထားတဲ့ ခရမ်းချဉ်သီးနဲ့ ကြက်သွန်နီတို့ကို ထည့်ပါ။ ထို့နောက် ရေဖန်ခွက် ၃ ခွက်ခန့်ထည့်ပြီး ဟင်းအိုးကို အဖုံးအုပ်၍ အချိန် (၁၅)မိနစ်ခန့် တည်ထားပါ။ ရေအနည်းငယ်ကျန်ပါက ရေ(၁)ခွက်ခွဲခန့်ထည့်၍ အဖုံးအုပ်ပြီးဆက်၍ တည်ထားပါ။
  7. မျှစ်စိမ်းကျက်၍ ဟင်းရည်များ ပွက်ပွက်ဆူပြီး အနံ့များမွှေးကြိုင်လာပါက ဆား၊ အချိုမှုန့် သို့မဟုတ် ဟင်းခတ်မှုန့်အနည်းငယ်ထည့်ပြီး မျှစ်စိမ်းကို မြည်းစမ်းကြည့်ပါက စပ်ရှားရှားအရသာမဟုတ်ဘဲ ချို၍ ခပ်ဆတ်ဆတ်နှင့် စားကောင်းသော အရသာရရှိပါက ပင်စိမ်း သို့မဟုတ် ရှမ်းနံနံထည့်ပြီး စားသုံးလို့ရပါပြီနော်
မျှစ်ဆတ်ဟင်းကတော့ ပူပူနွေးနွေးလေးနဲ့ ငပိထောင်းစပ်စပ်လေးကို သံပုရာသီးလေးညှစ်ပြီး တွဲဖက်စားသုံးလို့ရသလို ငါးဖန်ဝိုင်းငါးပိကောင်ကြော်လေးကို သံပုရာသီးလေးညှစ်ပြီး ငရုတ်သီးအခြောက်တောင့်ကို ခပ်ကြွင်းကြွင်းလေးကြော်ထားတာလေးနဲ့လည်း တွဲဖက်စားသုံးလိုက်ရင် ထမင်းမြိန်စေမှာ အမှန်ပါပဲနော်။ ကဲ မျှစ်စိမ်းတွေ ရလာရင်တော့ ချက်စားလိုက်ကြတော့နော်
Share:

မန်းကျည်းရွက်နှင့်ဒန့်သလွန်သီးချဉ်ရည်


 

မန်ကျည်းရွက်ဆိုရင် ချဉ်ရည်ဟင်းချက်စားလို့ရသလို ၊ မန်ကျည်းရွက်သုပ်၊ မန်ကျည်းရွက်ချက်စသဖြင့် ချက်စားလေ့ရှိကြပါတယ်။  ဒန့်သလွန်သီးကိုတော့ ပဲကုလားဟင်းထဲမှာလည်း ထည့်ချက်ကြသလို ဒန့်သလွန်သီးမီးကင်ပြီးတော့လည်း ဟင်းခါးချက်စားကြသလို ငါးနဲ့တွဲဖက်ပြီးတော့လည်းချက်စားလေ့ရှိကြပါတယ်။

ဒီနေ့မှာတော့ အညာဒေသ အထူးသဖြင့် မုံရွာဒေသဘက်မှာ ချက်စားလေ့ရှိတဲ့ မန်ကျည်းရွက် ဒန့်သလွန်သီးချဉ်ရည်ဟင်းချက်နည်းလေးကိုဝေမျှချင်ပါတယ်။

မန်ကျည်းရွက် ဒန့်သလွန်သီးချဉ်ရည်ဟင်းချက်ဖို့အတွက် လိုအပ်တဲ့ ပါဝင်ပစ္စည်းတွေကတော့-

  • ဒန့်သလွန်သီး ၅ တောင့်
  • မန်ကျည်းရွက် ၁၀ ကျပ်သား
  • ကြက်သွန်နီ ၁ လုံး
  • ငပိ အနည်းငယ်(မန်ကျီးစေ့ ၁ စေ့ခန့်)
  • ဆားအနည်းငယ်
  • အချိုမှုန့်အနည်းငယ်
  • ဆီ ဟင်းစားဇွန်း(၁)ဇွန်းခန့်လိုအပ်မှာဖြစ်ပါတယ်။

ပြုလုပ်ပုံအဆင့်ဆင့်

  1. ဒန့်သလွန်သီးကို လက်သုံးဆစ်ခန့် အရွယ်အစားများဖြတ်၍ အခွံနွှာ ရေဆေးထားပါ။
  2. မန်ကျည်းရွက်ကို အရွက်ကြမ်းများနှင့်အရိုးရင့်များ ဖယ်ထုတ်ပြီး ရေဆေး၍ စစ်ထားပါ။
  3. ကြက်သွန်နီအခွံနွှာပြီး ရေဆေး၍ လှီးထားပါ။
  4. ချဉ်ရည်ဟင်းချက်မည့်အိုးထဲသို့ ဆီထည့်ပြီး ဆီပူလာပါက ငပိထည့်ပြီး ဆီသတ်ပါ။ ငပိအနံ့မွှေးလာပါက လှီးထားသော ကြက်သွန်နီနှင့် ဒန့်သလွန်သီးများ၊ မန်ကျည်းရွက်များထည့်ပြီး အထက်အောက် နှံ့အောင်မွှေ၍ ရေဖန်ခွက်(၃)ခွက်ခန့်ထည့်ပြီး အဖုံးအုပ်၍ ချက်ပါ။
  5. မိနစ်(၂၀)ကြာပြီးနောက် ချဉ်ရည်ဟင်းရည်များပွက်ပွက်ဆူပြီး ဒန့်သလွန်သီးများ နူးအိလာပါက ဆား၊ အချိုမှုန့်ထည့်၍ အရသာမြည်းစမ်းကာ မီးပိတ်၍ သုံးဆောင်နိုင်ပြီဖြစ်ပါတယ်။
  6. မန်ကျည်းရွက်ရဲ့ အချဉ်ဓာတ်ကို ဒန့်သလွန်သီးရဲ့ အဆိမ့်ဓာတ်၊ ကြက်သွန်နီရဲ့ အချိုဓာတ်နဲ့ ငပိတို့ကြောင့် ချဉ်ရည်ဟင်းက အချဉ်မစူးဘဲ စားလို့ကောင်းမှာသေချာပါတယ်နော်။

မန်ကျည်းရွက်ဒန့်သလွန်သီးချဉ်ရည်ဟင်းနဲ့ ဆိတ်သား၊ ကြက်သား၊ ဝက်သားချက်တို့နဲ့ အညာငရုတ်သီးထောင်း၊ ငရံ့ခြောက်ဖုတ်တို့နဲ့ တွဲဖက်စားသုံးမယ်ဆိုရင် လိုက်ဖက်ညီတဲ့ ဟင်းတွဲဟင်းစပ်လေးတွေဖြစ်တာကြောင့် ခံတွင်းမြိန်မှာသေချာပါတယ်နော်။

Share:

ဘူးရွက်ဟင်းချို


 

ဘူးရွက်ကို သာမန်အားဖြင့် ကြော်စားတတ်ကြလေ့ရှိကြပါတယ်။ ကျမတို့ အညာဒေသ အထူးသဖြင့် မုံရွာနယ်ဘက်မှာ ချက်စားလေ့ရှိတဲ့ ဘူးရွက်ဟင်းချို ချက်နည်းလေးကို ဟင်းချက်ဝါသနာရှင်များအတွက် ဝေမျှချင်ပါတယ်။

ဘူးရွက်ဟင်းချိုကတော့ ချက်ရတာလည်း လွယ်ကူသလို ဆီပါဝင်မှုလည်း နည်းပါတာမို့လို့ ကျန်းမာရေးအတွက်လည်း ပိုပြီးသင့်တော်ပါတယ်နော်။ ဘူးရွက်ဟင်းချို ချက်ဖို့အတွက် လိုအပ်တဲ့ပါဝင်ပစ္စည်းတွေကတော့ -

  • ဘူးရွက်(၂)စည်း
  • နံနံပင်(၁)တစ်စည်း
  • ငပိ မန်ကျည်းစေ့ခန့်
  • ပုဇွန်ခြောက် လက်ဖက်စားဇွန်း(၁)ဇွန်း
  • ကြက်သွန်နီ(၁)လုံး
  • ဆားအနည်းငယ်
  • ဟင်းခပ်မှုန့် (သို့) ဟင်းချိုမှုန့်အနည်းငယ်
  • ဆီ ထမင်းဇွန်း(၁)ဇွန်း

ပြုလုပ်ပုံအဆင့်ဆင့်

  1. ပထမဆုံးအနေနဲ့ ဘူးရွက်ကို အရိုးရင့်များ၊ အရွက်ကြမ်းများကို ဖယ်ရှားပါ။ ဈေးကဝယ်လာတဲ့ ဘူးရွက်တွေမှာလည်း ဘူးသီးအနုအသေးလေးတွေလည်းပါလာတတ်တာမို့ အဲ့ဒီအသီးနုလေးတွေလည်း ထည့်ချက်လို့ရပါတယ်နော်။ ဒါ့အပြင် နှာမောင်းတံ(ဘူးနွယ်)လေးတွေကိုလည်း ထည့်ပြီးချက်လို့ရပါတယ်နော်။
  2. ဘူးရွက်၊ ဘူးညွန့်များ သင်ပြီးရင်တော့ ရေဆေးပြီး စစ်ထားပါ။ နံနံပင်ကို အမြစ်များ၊ သဲများ၊ အမှိုက်များ မပါရှိအောင် သန့်စင်၍ ရေဆေးထားပါ။
  3. ကြက်သွန်နီကို အခွံနွှာ ရေးဆေးပြီး လေးစိတ်ခွဲပြီး လှီးထားပါ။ ပုစွန်ခြောက်ကို ရေစိမ်ထားပါ။
  4. ဘူးရွက်ဟင်းချို ချက်မည့် အိုးထဲသို့ ရေဖန်ခွက်(၃)ခွက်၊ ငပိ ၊ ကြက်သွန်နီ၊ ပုစွန်ခြောက်နှင့် ဆီတို့ကို ထည့်ပြီး မီးပြင်းပြင်းဖြင့် မိနစ် ၂၀ ခန့် ပွက်ပွက်ဆူအောင် တည်ထားပါ။
  5. ဟင်းရည်များ ပွက်ပွက်ဆူပြီး အနံ့များ မွှေးကြိုင်လာကာ ဟင်းအိုးထဲတွင် ရေဖန်ခွက်(၁)ခွက်ခွဲစာခန့် ကျန်ရှိပါက ရေစစ်ထားသော ဘူးရွက်များထည့်ပါ။( ဘူးရွက်ထည့်ပြီးပါက ဟင်းအိုးအဖုံးကို မဖုံးဘဲ ဖွင့်၍ ချက်ပါ။ ဒါမှသာ ဘူးရွက်အရောင်မှာ အစိမ်းရောင်ကို ရရှိမည်ဖြစ်ပါသည်)
  6. ဘူးရွက်များထည့်ပြီး အထက်အောက်မွှေပြီးနောက် ဆား၊ အချိုမှုန့် သို့မဟုတ် ဟင်းခတ်မှုန့်အနည်းငယ်ခပ်ပါ။ ထို့နောက် နံနံပင်ထည့်ပြီး အရသာမြည်းစမ်းကြည့်ပြီး အရသာ အဆင်ပြေပါက ဘူးရွက်ဟင်းချိုကို စားသုံးနိုင်ပြီဖြစ်ပါသည်။

ဘူးရွက်ဟင်းချိုမှာ အဓိကကျတာကတော့ ဟင်းရည်ကို ခပ်ကြာကြာလေး ကျိုရင် ငပိအစိမ်းအနံ့ပျောက်ပြီး မွှေးကြိုင်လာသည်အထိ ကြိုပေးဖို့လိုမှာဖြစ်ပါတယ်။ ဒါ့အပြင် ဟင်းရည်ထဲကို ဘူးရွက်ထည့်ပြီး ငါးမိနစ်လောက်ပဲချက်သင့်ပါတယ်နော်။

ဘူးရွက်ဟင်းချိုနဲ့ လိုက်ဖက်တဲ့ ဟင်းတွဲလေးတွေကတော့ ဆိတ်သားခြောက်ဆီပြန်ဟင်း ၊ ဆိတ်သားဟင်း၊ ဝက်သားဆီပြန်ချက် ၊ နှမ်းဖတ်ချဉ်သုပ်လေးတွေနဲ့ တွဲဖက်စားသုံးရင် စားမြိန်ပြီး ခံတွင်းတွေ့မှာ သေချာပါတယ်နော်။

ကဲ ဟင်းချက်ဝါသနာရှင်တွေလည်း လိုက်ဖက်တဲ့ ဟင်းတွဲလေးတွေ ချက်ပြုတ်စားသုံးကြည့်လိုက်တော့နော်။

Share:

ဘူးသီးချဉ်ရည်


 

သာမန်အားဖြင့် ဘူးသီးကို ဟင်းခါး/ဟင်းချို ချက်စားလေ့ရှိကြသလို ကြက်သားနဲ့ရောပြီး ကြက်/ဘူးဆိုပြီး ချက်စားလေ့ရှိကြပါတယ်။ ဒါပေမဲ့ ဘူးသီးကို ချဉ်ရည်ဟင်းအနေနဲ့ ချက်စားလို့ ရတယ်ဆိုတာကိုတော့ အချို့သူတွေက မသိကြဘူးလို့ ထင်ပါတယ်။ ဒါ့ကြောင့် ထမင်းမြိန်စေမည့် ဘူးသီးချဉ်ရည်ချက် နည်းလေးကို ဝေမျှပါရစေနော်။ ဘူးသီးချဉ်ရည်ဟင်းက ချက်ရတာလည်း လွယ်ကူရိုးရှင်းသလို ထမင်းစားကောင်းမည့် ဟင်းတစ်ခွက်ဖြစ်မယ်လို့ ယုံကြည်ပါတယ်။
ဘာကြောင့်လဲဆိုရင် မြန်မာအများစုကတော့ အသား၊ငါးဟင်းတွေ မပါချင်နေပါစေ၊ ချဉ်၊ ငန်၊ စပ်အရသာလေးသာ ပါလို့ကတော့ ထမင်းစားမြိန်တတ်ကြတဲ့ လူမျိုးတွေမို့လား 

ကဲ ဒါဆို ဘူးသီးချဉ်ရည်လေးကို စချက်ကြည့်ကြရအောင်
ဘူးသီးချဉ်ရည်ချက်ဖို့အတွက် လိုအပ်တဲ့ပါဝင်ပစ္စည်းတွေကတော့ -

  • ဘူးသီးအရွယ်တော် (၂) စိပ်
  • ခရမ်းချဉ်သီးကိုင်းသီး (ဗမာသီး) (၇)လုံး
  • ငပိ မန်ကျီးစေ့(၁)စေ့ခန့်
  • နံနံပင်အနည်းငယ်
  • ဆားအနည်းငယ်
  • ဟင်းချိုမှုန့် (သို့) ဟင်းခပ်မှုန့်အနည်းငယ်
  • ဆီ ဟင်းစားဇွန်း(၁)ဇွန်း

ပြုလုပ်ပုံအဆင့်ဆင့်

  1. ပထမဦးဆုံး ဘူးသီးကို အခွံနွှာပါ။ ထို့နောက် ခပ်ပါးပါးအတုံးလေးတွေလှီးပြီး ‌ရေဆေးပြီး စစ်ထားပါ။
  2. ခရမ်းချဉ်သီး ကိုင်းသီးများကို ရေဆေး၍ ခပ်ပါးပါးလှီးထားပါ။(အခုလို ချဉ်ရည်ဟင်းချက်ရာမှာ ခရမ်းချဉ်သီး အချဉ်သီးကိုပဲ သုံးသင့်ပါတယ်နော်။ ဘာကြောင့်လဲဆိုရင် ခရမ်းချဉ်သီးအချဉ်သီးက သူ့ရဲ့ သဘာဝအချဉ်ဓာတ်က ပိုချဉ်တဲ့အပြင် ချက်ပြုတ်ရာမှာလည်း နူးအိလွယ်ပါတယ်၊ အကောင်းဆုံးကတော့ ခရမ်းချဉ်သီးအချဉ်သီးနဲ့ချက်ရင် သူ့ရဲ့ အချဉ်နံ့က သဘာဝအချဉ်ဓာတ်ရရှိမှာမို့လို့ ခရမ်းချဉ်သီး အချဉ်သီးနဲ့ပဲ ချက်ဖို့ တိုက်တွန်းပါရစေနော်။ ဘူးသီးချဉ်ရည်လည်း ချက်စားချင်တယ်၊ ဒါပေမဲ့ ခရမ်းချဉ်သီး အချဉ်သီးလည်း မရနိုင်တဲ့ အခြေအနေမှာတော့ ရိုးရိုးခရမ်းချဉ်သီးနဲ့ချက်မယ်ဆိုရင် ရိုးရိုးခရမ်းချဉ်သီးက အနှစ်တွေများတာမို့ (၂)လုံးလောက်ပဲထည့်သင့်ပါတယ်၊ ဒါမှသာ ချဉ်ရည်ဟင်းက အရည်ခပ်ကြည်ကြည်လေးနဲ့ စားချင့်သဖွယ်ဖြစ်မှာပါနော်)
  3. နံနံပင်ကို အမြစ်နဲ့ အရွက်ဝါနေတာလေးတွေကို ဖယ်ထုတ်ပြီး သဲများမပါရှိစေရန် ရေဆေးထားပါ။
  4. အရင်ဆုံး ချက်ပြုတ်မည့်အိုးထဲကို ဆီအနည်းငယ်ထည့်ပါ။
  5. ဆီကျက်လာရင် မျှင်ငပိထည့်ပါ။
  6. ထို့နောက် ငပိကို အနည်းငယ်ချေပြီးနောက် ခရမ်းချဉ်သီးထည့်၍ နှံ့အောင်မွှေပါ။ ခရမ်းချဉ်သီးကို ကျေအောင်ချေရမှာမို့လို့ ရေဖန်ခွက် တစ်ခွက်ခန့်ထည့်၍ အဖုံးအုပ်ပြီး တည်ထားပါ။
  7. မကြာခဏ အဖုံးဖွင့်၍ ခရမ်းချဉ်သီးကို ကျေအောင်ချေပေးပါ။ ခရမ်းချဉ်သီးများကျေလျှင် ခပ်ပါးပါး တုံးထားသောဘူးသီးများကို ထည့်၍ ခရမ်းချဉ်သီးနှင့် ဘူးသီးကို နှံ့စပ်အောင်မွှေပါ။
    ပြီးလျှင် ရေ ဖန်ခွက် (၂)ခွက်ခန့်ထည့်၍ အဖုံးအုပ်၍ (၁၀)မိနစ်ခန့် တည်ထားပါ။
  8. ဟင်းရည်များ ပွက်ပွက်ဆူလာပြီး ချဉ်ရည်ဟင်းအနံ့များ မွှေးကြိုင်လာပါက ဆား၊ ဟင်းချိုမှုန့် သို့မဟုတ် ဟင်းခပ်မှုန့် တို့ကို ထည့်ပါ။ (အကယ်၍ ခရမ်းချဉ်သီးအချဉ်သီးနဲ့ ချက်တာမျိုးမဟုတ်ဘဲ ရိုးရိုးခရမ်းချဉ်သီးနဲ့ချက်တာဆိုရင်တော့ အချဉ်ဓာတ်ရရှိဖို့အတွက် မန်ကျီးသီးမှည့်အနည်းငယ်ကို ရေနွေးနဲ့စိမ်ပြီး မန်ကျီးမှည့်အနှစ်များကို ထည့်ဖို့လိုမှာ ဖြစ်ပါတယ်နော်။ ချဉ်ရည်ဟင်း အနံ့မွှေးကြိုင်နေဖို့ဆိုရင် ဟင်းရည်ကျအောင် ကျိုပေးဖို့လိုပါမယ်နော်၊ ဘူးသီးက နဂိုမူလသဘာဝအရသာက ချိုတာမို့လို့ အချဉ်ဟင်းရည်ကို ခပ်ကြာကြာတည်ထားမှသာ အချဉ်ဓာတ်တွေက ဘူးသီးထဲရောက်မှာဖြစ်သလို မျှင်ငပိနံ့ပျောက်ဖို့ဆိုရင် ဟင်းရည်ကို ခပ်ကြာကြာတည်ထားခြင်းဟာ လျှို့ဝှက်ချက်တစ်ခုပါပဲနော်။
  9. ချဉ်ရည်ဟင်းအိုး တည်ထားတာက အိုးထဲမှာ ဖန်ခွက်တစ်ခွက်ခွဲစာခန့်လောက် ကျန်နေပြီဆိုမှသာ ဟင်းအိုးကိုမီးပိတ်ပြီး နံနံပင်ထည့်ကာ ဘူးသီးချဉ်ရည်ဟင်းကို သုံးဆောင်နိုင်ပြီဖြစ်ပါတယ်။
ကဲ ဘူးသီးချဉ်ရည်ဟင်းရည်ရပြီဆိုတော့ သူနဲ့လိုက်ဖက်တဲ့ ဟင်းတွဲလေးကတော့ ငရုတ်သီးအခြောက်တောင့် သို့မဟုတ် ငရုတ်သီးခွဲခြမ်းမှုန့်နဲ့ ကြက်သွန်နီကို အစေးပေါက်အောင် ထောင်းထားတဲ့ အညာငရုတ်သီးထောင်းလေးရယ်၊ ငါးရံ့ခြောက်ဖုတ်လေးနဲ့ တွဲဖက်စားလိုက်ရင်တော့ အသားဟင်းမပါတာတောင် ထမင်း(၂)ပန်းကန်လောက်တော့ အသာလေးဆွဲပြီးသားဖြစ်မှာပါနော်
Share:

ကြာဆံချက်


 

ပါဝင်ပစ္စည်းများ

  • ပဲကြာဆံ ၁၀ ကျပ်သား
  • ကြွက်နားရွက်မှို(မှိုခြောက်) ၅ပွင့်
  • ပဲလိပ်ခြောက် အနည်းငယ်
  • ကြက်သွန်နီ ၁ လုံး
  • ငုံးဥ ၁၀ လုံး
  • ဗမာကြက်သား ၅တုံး
  • ခရမ်းချဉ်သီး ၁လုံး
  • ပဲဆီ ၂ ဇွန်း(ဟင်းစားဇွန်း)
  • ဆား အနည်းငယ်
  • အချိုမှုန့် (သို့မဟုတ်) ဟင်းခတ်မှုန့် အနည်းငယ်

ပြုလုပ်ပုံအဆင့်ဆင့်

  1. ကြာဆံချက်အတွက် လိုအပ်သော ပဲကြာဆံ၊ ကြွက်နားရွက်မှို၊ ပဲလိပ်ခြောက်တို့ကို ဟင်းရည် ချက်ပြုတ်ခြင်းမပြုမီ ရေဖြင့် (၁၅)မိနစ်ခန့် ကြိုတင်စိမ်ထားပါ။ ပြီးနောက် ရေစိမ်ထားသော ကြွက်နားရွက်မှိုများ ၊ ပဲလိပ်များကို ကတ်ကြေးဖြင့် အနေတော် လှီးဖြတ်ထားပါ။
  2. ငုံးဥများကို အချိန်(၁၀)မိနစ်ခန့် ပြုတ်၍ အခွံနွှာထားပါ။
  3. ကြက်သားကို ရေ(၄)ခွက်(ထမင်းပေါင်းအိုးတွင် ပါရှိသည့်ပုံစံခွက်)နှင့် ငံပြာရည်အနည်းငယ် ထည့်ပြီး နူးအိလာသည်အထိ ပြုတ်ပါ။ (ကြာဆံချက်မှာ အသုံးပြုတဲ့ ကြက်သားကိုတော့ ဗမာကြက်သားကိုပဲရွေးချယ်ထားပါတယ်နော်။ ဘာကြောင့် ဗမာကြက်သားကို ရွေးချယ်ရသလဲ ဆိုရင် ဗမာကြက်သားရဲ့ အရိုးထဲက အဆီအနှစ်တွေက သဘာဝအချိုဓာတ်ဖြစ်တဲ့အတွက် ကြာဆံချက်စားသုံးရာမှာ သဘာဝအချိုကို ရရှိစေဖို့ ဖြစ်ပါတယ်။ အကယ်၍ ဗမာကြက်သား မရနိုင်တဲ့အခြေအနေမှာဆိုရင်တော့ မွေးမြူရေးကြက် သား(စီပီကြက်သား)ကို အသုံးပြုလည်း အဆင်ပြေပါတယ်နော်။ နောက်ပြီး ကြက်သားပြုတ်ထဲမှာ ထည့်တဲ့ငံပြာရည်ကိုတော့ ယိုးဒယား ကင်းမွန်ငံပြာရည်လေးကို အသုံးပြုထားပါတယ်နော်။)
  4. ပြုတ်ထားတဲ့ ကြက်သားတွေ နူးအိလာပြီဆိုရင်တော့ ကြက်သားနဲ့ ကြက်ပြုတ်ရည်တွေကို ပန်းကန်တစ်ခုနဲ့ ထည့်ထားပါ။
  5. မီးဖိုပေါ်တွင် ကြာဆံချက် ချက်မည့် အိုးတင်၍ ပဲဆီထည့်ပါ။ ၂ မိနစ်ခန့်ကြာပြီးနောက် ဆီကျက်ပါက ခရမ်းချဉ်သီး၊ ကြက်သွန်နီ၊ ငရုတ်သီး အရောင်တင်မှုန့်တို့ကို ထည့်၍ ဆီသတ်ပါ။ အရောင်တက်လာပါက ကြက်ပြုတ်ရည်နှင့် ကြက်သားများထည့်ပါ။ ကြက်ပြုတ်ရည် နည်းပါက ရေအနည်းငယ်ထပ်ထည့်၍ ၁၀ မိနစ်ခန့် တည်ထားပါ။
  6. ၁၀ မိနစ်ခန့် ကြာပြီးနောက် ဟင်းရည်များ ပွက်ပွက်ဆူလာပါက လှီးဖြတ်ထားသည့် မှိုခြောက်များကို အရင်ဆုံးထည့်ပါ။ ထို့နောက် ပဲခြောက်များ၊ ပဲကြာဆံများထည်၍ ၁၀ မိနစ်ခန့် ထားပါ။(ကြာဆံချက်မှာ အသုံးပြုတဲ့ ကြာဆံကတော့ ပဲကြာဆံကိုသာ အသုံးပြုရပါမယ် နော်၊ကြာဆံကြော်လုပ်စားတဲ ့ကြာဆံကို အသုံးပြုလို့ မရပါဘူးနော်)
  7. ပွက်ပွက်ဆူနေသော ဟင်းရည်ထဲသို့ ထည့်ထားသည့် ပဲကြာဆံနှင့် မှိုခြောက်၊ ပဲခြောက်များသည် နူးအိလာပါက ပြုတ်ထားသော ငုံးဥများထည့်၍ ဆား၊ အချိုမှုန့်(သို့မဟုတ်) ဟင်းခတ်မှုန့်တို့ကို ထည့်၍ အရသာ မြည်းစမ်းကြည့်ပါ။
  8. ကြာဆံချက်တွင်ပါဝင်သည့်အမယ်များ နူးအိပြီး အရသာအနေအထားကောင်းမွန်ပါက မီးပိတ်၍ ကြာဆံချက်ကို သုံးဆောင်နိုင်ပြီဖြစ်ပါတယ်။
  9. ကြာဆံချက်နှင့် တွဲဖက်သုံးဆောင်မည့် နံနံပင်၊ ငရုတ်သီးကြော်ထောင်း သို့မဟုတ် ငရုတ်သီး လှော်ထောင်း၊ ဗမာသံပုရာသီး(သံပုရာအစစ်က သံပုယိုသီးထက် ပိုပြီးမွှေးပါတယ်) များ ထည့်၍ သုံးဆောင်ပါက အနံ့အရသာနှင့်ပြည့်စုံသော ကြာဆံချက်လေးကို စားသုံးလို့ရပါပြီရှင်။
Share:

Popular Posts

ၸိူင်းငဝ်းတူင်ႉ ၽႃႇသႃႇလိၵ်ႈတႆး. Powered by Blogger.

Contact Us

Tel: +959691051467




MM Chef ဟင်းချက်နည်း အပ်ပလီကေးရှင်းသည် အချက်အပြုတ်ဝါသနာရှင်များအတွက် အထူးပင် အသုံးဝင်သော ဖုန်းဆော့ဝဲ တစ်ခုဖြစ်ပါသည်။

Recent Posts

Blog Archive

  • ()

BTemplates.com

About

About

Blogroll

Pages - Menu