ရှာဖွေရန်

ဖက်ထုပ်ပြုတ်


 Chinese Dumpling Soup
ဖက်ထုပ်ကြော်ဖက်ထုပ်ပြုတ်ဆိုတာအားလုံးနဲ့ရင်းနှီးပြီးသားအစားအစာတခုပါ။နှစ်သက်ရာအသားဖြင့်ပြုလုပ်နိုင်ပြီးအဓိကမှာအပြင်အခွံသားဖြစ်ပါတယ်။ဖက်ထုပ်ပြုလုပ်နည်းအမျိုးမျိးုရှိတဲ့အပေါ်မှာဖက်ရွက်မှာလည်းလုပ်နည်းကွဲပြားမှုများရှိပါတယ်။ဖက်ထုပ်ဖတ်ပြုလုပ်နည်းနှင့်ဖက်ထုပ်ပြုတ်ပြုလုပ်နည်းလေးမျှဝေပေးလိုက်ပါတယ်။
ဖက်ထုပ်ရွက်ပြုလုပ်ပုံ
***************
(၂၅ခုစာ)
ဂျုံမှုန့် (All purpose flour)- ၂၀၀ဂရမ်
ဆား - တစ်ဇွန်း လ္ဘက်ဇွန်း
ေရဆူ - ၁၂၀ ml
ဆီ - တစ်ဇွန်း စားပွဲဇွန်း
ဂျုံ - တစ်ပန်းကန်(လက်ကိုင်ဂျံု)
ပြင်ဆင်ပြုလုပ်ပုံ
***********
1.ဇလုံတခုတွင်ဂျုံနှင့်ဆားထည့်ပြီးသမအောင်မွေပါ။ရေဆူကိုနည်းနည်းဆီထည့်ပြီးဇွန်းဖြင့်သမအော င်မွေပေးပါ။
2.လုံးလာပြီးလက်ဖြင့်ကိုင်၍ရသောအနေအထားရောက်ပါကလက်ဖြင့်နယ်ပေးပါ။ဂျုံအနည်းငယ်ြ ဖူးပြီးနယ်ပေးပါ။ချောမွေ့လာပါကဆယ်မိနစ်ခန့်ဖုံး အုပ်ပြီးနှပ်ထားပါ။
3.နှပ်ပြီးပါကဂျုံလုံးကိုအရှည်လိုက်လိမ့်ပေးပြီး၂၅လုံးညီတူမျှတူပိုင်းဖြတ်ပါ။
4.တစ်ပိုင်းဆီကိုဂျုံမှုန့်ဖြူးပြီးပြန့်နေအောင်လိုချင်သောအနေထားထိဖြန့်ပါ။
5.ပြီးလျှင်ဂျုံမှုန့်ဖြူးပြီးထပ်ထားကာလေလုံအောင်ဖုံးထားပြီးဖက်ထုပ်ပြုလုပ်ရန်အသင့်ဖြစ်ပါပြီ။
❀အများအပြားထပ်မထားရကပ်သွားတတ်သည်။
ပါဝင်ပစ္စည်း
*********
ဖတ်ထုပ်ရွက် - ၂၅ရွက်
ကြက်သား  - ၁၅၀ ဂရမ်
မုန်ညင်းဖြူ - ၄ရွက်
ကြက်သွန်မိတ်/ကျိုချိုက် - အနည်းငယ်
ဆား -  တစ်ဇွန်း (လ္ဘက်ဇွန်း)
သကြား- ဇွန်းတဝက်
ငရုပ်ကောင်းဖြူမှုန့် - တစ်ဇွန်း
ခရုဆီ - တစ်ဇွန်း
ပြောင်းဖူးမှုန့် - တစ်ဇွန်း
ဂျင်း - သေးသေးစိတ် တစ်ဇွန်း
နှမ်းဆီမွေး - ၂ဇွန်း
ပြင်ဆင်ပြုလုပ်ပုံ
***********
1.ကြက်သားကိုနုတ်နုတ်စင်းထားပါ။မုန်ညင်းဖြူကိုရေနွေးဖျောပြီးရေညစ်ထားကာနုတ်နုတ်စင်းထည့်ပါ။ကြက်သွန်မိတ်/ကျုံချိုက်တို့ကိုေ သးသေးစိတ်ထည့်ပါ။
2.ဆား၊သကြား၊ပြောင်းမှုန့်၊နှမ်းဆီ၊ငရုပ်ကောင်း မှုန့်ဂျင်းတို့ကိုထည့်ပြီးတူဖြင့်စေးလာအောင်မွေပေးကာအဖုံးအုပ်ပြီးရေခဲသေတ္တာတွင်မိနစ်သုံးဆယ်ခန့်နှပ်ထားပါ။တညကျိုနပ်ထား၍လည်းရပါတယ်။
(ဟင်းချက်ဝိုင်အသုံးပြုပါကအနည်းငယ်ထည့်နိုင်ပါတယ်)
3.ဖက်ထုပ်ဖက်ကိုလက်ပေါ်တင်ပြီးနှပ်ထားသောအသားကိုထည့်ကာအနားသားလေးများခေါက်ကာပုံဖော်ပေးပါ။
4.အားလုံးထုပ်ပြီးသွားပါကအိုးတလုံးဖြင့်ဟင်းချိုတည်ထားပါ။
5.ပဲငံပြာရည်၊ခရုဆီ၊ဆား၊နှမ်းဆီမွေး၊ကြက်သွန်ဖြူဆီချက်တို့ဖြင့်အရသာဖြည့်စွက်ပေးပါ။
6.ဆူပွက်ပါကအရသာအပေါ့အငံမြည်းပြီးထုပ်ထားသောဖက်ထုပ်ထည့်ပါ။ဆူပွက်ပြီးအပေါ်ပေါ်လာပါက၂မိနစ်ခန့်ထပ်တည်ထားပြီးမုန်ညင်းစိမ်းထည့်ကာမီးဖိုမှချကာပဲငံပြာရည်ရှာလကာရည်ငရုပ်သီးစိမ်းရောစပ်ထားသောအချဉ်ဖြင့်တွဲဖက်တည်ခင်းသုံးဆောင်နိုင်ပါပြီ။
❀ဤနည်းဖြင့်ပြုလုပ်သောဖက်ထုပ်ပြုတ်မှာဟင်းရည်မပါဘဲပြုတ်ထားသောဖက်ထုပ်ကိုဆော့စ်ဖြင့်လည်းတွဲဖက်တည်ခင်းနိုင်ပါတယ်။

Share:

ဖက်ထုပ်ဆီချက်

 

Chinese Dumpling with Garlic Oil
ဖက်ထုပ်ရွက်ပြုလုပ်ပုံ
***************
(၂၅ခုစာ)
ဂျုံမှုန့် (All purpose flour)- ၂၀၀ဂရမ်
ဆား - တစ်ဇွန်း လ္ဘက်ဇွန်း
ေရဆူ - ၁၂၀ ml
ဆီ - တစ်ဇွန်း စားပွဲဇွန်း
ဂျုံ - တစ်ပန်းကန်(လက်ကိုင်ဂျံု)
ပြင်ဆင်ပြုလုပ်ပုံ
***********
1.ဇလုံတခုတွင်ဂျုံနှင့်ဆားထည့်ပြီးသမအောင်မွေပါ။ရေဆူကိုနည်းနည်းဆီထည့်ပြီးဇွန်းဖြင့်သမအော င်မွေပေးပါ။
2.လုံးလာပြီးလက်ဖြင့်ကိုင်၍ရသောအနေအထားရောက်ပါကလက်ဖြင့်နယ်ပေးပါ။ဂျုံအနည်းငယ်ြ ဖူးပြီးနယ်ပေးပါ။ချောမွေ့လာပါကဆယ်မိနစ်ခန့်ဖုံး အုပ်ပြီးနှပ်ထားပါ။
3.နှပ်ပြီးပါကဂျုံလုံးကိုအရှည်လိုက်လိမ့်ပေးပြီး၂၅လုံးညီတူမျှတူပိုင်းဖြတ်ပါ။
4.တစ်ပိုင်းဆီကိုဂျုံမှုန့်ဖြူးပြီးပြန့်နေအောင်လိုချင်သောအနေထားထိဖြန့်ပါ။
5.ပြီးလျှင်ဂျုံမှုန့်ဖြူးပြီးထပ်ထားကာလေလုံအောင်ဖုံးထားပြီးဖက်ထုပ်ပြုလုပ်ရန်အသင့်ဖြစ်ပါပြီ။
❀အများအပြားထပ်မထားရကပ်သွားတတ်သည်။
ပါဝင်ပစ္စည်း
*********
ဖတ်ထုပ်ရွက် - ၂၅ရွက်
ကြက်သား  - ၁၅၀ ဂရမ်
မုန်ညင်းဖြူ - ၄ရွက်
ကြက်သွန်မိတ်/ကျိုချိုက် - အနည်းငယ်
ဆား -  တစ်ဇွန်း (လ္ဘက်ဇွန်း)
သကြား- ဇွန်းတဝက်
ငရုပ်ကောင်းဖြူမှုန့် - တစ်ဇွန်း
ခရုဆီ - တစ်ဇွန်း
ပြောင်းဖူးမှုန့် - တစ်ဇွန်း
ဂျင်း - သေးသေးစိတ် တစ်ဇွန်း
နှမ်းဆီမွေး - ၂ဇွန်း
ပြင်ဆင်ပြုလုပ်ပုံ
***********
1.ကြက်သားကိုနုတ်နုတ်စင်းထားပါ။မုန်ညင်းဖြူကိုရေနွေးဖျောပြီးရေညစ်ထားကာနုတ်နုတ်စင်းထည့်ပါ။ကြက်သွန်မိတ်/ကျုံချိုက်တို့ကိုေ သးသေးစိတ်ထည့်ပါ။
2.ဆား၊သကြား၊ပြောင်းမှုန့်၊နှမ်းဆီ၊ငရုပ်ကောင်း မှုန့်ဂျင်းတို့ကိုထည့်ပြီးတူဖြင့်စေးလာအောင်မွေပေးကာအဖုံးအုပ်ပြီးရေခဲသေတ္တာတွင်မိနစ်သုံးဆယ်ခန့်နှပ်ထားပါ။တညကျိုနပ်ထား၍လည်းရပါတယ်။
(ဟင်းချက်ဝိုင်အသုံးပြုပါကအနည်းငယ်ထည့်နိုင်ပါတယ်)
3.ဖက်ထုပ်ဖက်ကိုလက်ပေါ်တင်ပြီးနှပ်ထားသောအသားကိုထည့်ကာအနားသားလေးများခေါက်ကာပုံဖော်ပေးပါ။
4.အားလုံးထုပ်ပြီးသွားပါကအိုးတလုံးဖြင့်ရေနွေးတည်ထားပါယ
5.ရေနွေးဆူပွက်ပါကဖက်ထုပ်များထည့်ပြီးပြုတ်ပေးပါ။နှစ်မိနှစ်ခန့်ဆူပွက်ပြီးပါကဆယ်ယူကာပန်းကန်တွင်ထည့်ပါ။(ခေါက်ဆွဲရောလိုပါကခေါက်ဆွဲကိုရေနွေးဖျောထည့်ပါ။)
6.ပြီးလျှင်ဆားဟင်းခပ်မှုန့်နှင့်ကြက်သွန်ဖြူဆီချက်ထည့်ပြီးသမအောင်မွေပေးပါငရုတ်သီးဆီချက်နံနံပင်တို့ဖြင့်တည်ခင်းသုံးဆောင်နိုင်ပါပြီ။

Share:

ဇီချွမ်းဖက်ထုပ်ချဉ်စပ်

 

ဇီချွမ်းဖက်ထုပ်ချဉ်စပ်
Sichuan Spicy Wontons
ဖက်ထုပ်ကိုဒေသအလိုက်ပုံစံအမျိုးမျိုးသုံးဆောင်ကြတဲ့အထဲကဇီချွမ်းပုံစံဖက်ထုပ်ချဉ်စပ်ပြုလုပ်နည်းလေးမျှဝေပေးလိုက်ပါတယ်။လုပ်စားကြည့်ရအောင်နော်။
ဖက်ထုပ်ရွက်ပြုလုပ်ပုံ
***************
(၂၅ခုစာ)
ဂျုံမှုန့် (All purpose flour)- ၂၀၀ဂရမ်
ဆား - တစ်ဇွန်း လ္ဘက်ဇွန်း
ေရဆူ - ၁၂၀ ml
ဆီ - တစ်ဇွန်း စားပွဲဇွန်း
ဂျုံ - တစ်ပန်းကန်(လက်ကိုင်ဂျံု)
ပြင်ဆင်ပြုလုပ်ပုံ
***********
1.ဇလုံတခုတွင်ဂျုံနှင့်ဆားထည့်ပြီးသမအောင်မွေပါ။ရေဆူကိုနည်းနည်းဆီထည့်ပြီးဇွန်းဖြင့်သမအော င်မွေပေးပါ။
2.လုံးလာပြီးလက်ဖြင့်ကိုင်၍ရသောအနေအထားရောက်ပါကလက်ဖြင့်နယ်ပေးပါ။ဂျုံအနည်းငယ်ြ ဖူးပြီးနယ်ပေးပါ။ချောမွေ့လာပါကဆယ်မိနစ်ခန့်ဖုံး အုပ်ပြီးနှပ်ထားပါ။
3.နှပ်ပြီးပါကဂျုံလုံးကိုအရှည်လိုက်လိမ့်ပေးပြီး၂၅လုံးညီတူမျှတူပိုင်းဖြတ်ပါ။
4.တစ်ပိုင်းဆီကိုဂျုံမှုန့်ဖြူးပြီးပြန့်နေအောင်လိုချင်သောအနေထားထိဖြန့်ပါ။
5.ပြီးလျှင်ဂျုံမှုန့်ဖြူးပြီးထပ်ထားကာလေလုံအောင်ဖုံးထားပြီးဖက်ထုပ်ပြုလုပ်ရန်အသင့်ဖြစ်ပါပြီ။
❀အများအပြားထပ်မထားရကပ်သွားတတ်သည်။
ပါဝင်ပစ္စည်း
*********
ဖတ်ထုပ်ရွက် - ၂၅ရွက်
ကြက်သား  - ၁၅၀ ဂရမ်
မုန်ညင်းဖြူ - ၄ရွက်
ကြက်သွန်မိတ်/ကျိုချိုက် - အနည်းငယ်
ဆား -  တစ်ဇွန်း (လ္ဘက်ဇွန်း)
သကြား- ဇွန်းတဝက်
ငရုပ်ကောင်းဖြူမှုန့် - တစ်ဇွန်း
ခရုဆီ - တစ်ဇွန်း
ပြောင်းဖူးမှုန့် - တစ်ဇွန်း
ဂျင်း - သေးသေးစိတ် တစ်ဇွန်း
နှမ်းဆီမွေး - ၂ဇွန်း
ပြင်ဆင်ပြုလုပ်ပုံ
***********
1.ကြက်သားကိုနုတ်နုတ်စင်းထားပါ။မုန်ညင်းဖြူကိုရေနွေးဖျောပြီးရေညစ်ထားကာနုတ်နုတ်စင်းထည့်ပါ။ကြက်သွန်မိတ်/ကျုံချိုက်တို့ကိုေ သးသေးစိတ်ထည့်ပါ။
2.ဆား၊သကြား၊ပြောင်းမှုန့်၊နှမ်းဆီ၊ငရုပ်ကောင်း မှုန့်ဂျင်းတို့ကိုထည့်ပြီးတူဖြင့်စေးလာအောင်မွေပေးကာအဖုံးအုပ်ပြီးရေခဲသေတ္တာတွင်မိနစ်သုံးဆယ်ခန့်နှပ်ထားပါ။တညကျိုနပ်ထား၍လည်းရပါတယ်။
(ဟင်းချက်ဝိုင်အသုံးပြုပါကအနည်းငယ်ထည့်နိုင်ပါတယ်)
3.ဖက်ထုပ်ဖက်ကိုလက်ပေါ်တင်ပြီးနှပ်ထားသောအသားကိုထည့်ကာအနားသားလေးများခေါက်ကာပုံဖော်ပေးပါ။
4.အားလုံးထုပ်ပြီးသွားပါကအိုးတလုံးဖြင့်ရေနွေးတည်ထားပါ။
5.ရေနွေးဆူပွက်ပါကဖက်ထုပ်များထည့်ပြီးပြုတ်ပေးပါ။နှစ်မိနှစ်ခန့်ဆူပွက်ပြီးပါကဆယ်ယူကာပန်းကန်တွင်ထည့်ပါ။(ခေါက်ဆွဲရောလိုပါကခေါက်ဆွဲကိုရေနွေးဖျောထည့်ပါ။)
6.ပြီးလျှင်ဇီချွမ်းဆော့စ်ဖြင့်ထည့်ပြီးတည်ခင်းသုံးဆောင်နိုင်ပါပြီ။
ဇီချွမ်းဆော့ပြုလုပ်ပုံ
**************
ဇီချွမ်းငရုပ်ဆီ - နှစ်ဇွန်း စားပွဲဇွန်း
ပဲငံပြာရည် - နှစ်ဇွန်း
ရှာလကာရည် - ၂ဇွန်း
နှမ်းဆီမွေး- အနည်းငယ်
ကြက်သွန်ဖြူ - တစ်ဇွန်း (အစိမ်း/ဆီချက်)
နှမ်းလှော် - အနည်းငယ်
သကြား - ဇွန်းတဝက်
နံနံပင် - အနည်းငယ်
မြေပဲ - အနည်းငယ် (optional)
ရေ - ၅ဇွန်း
❀ပန်းကန်တခုတွင်ပါဝင်ပစ္စည်းများအားလုံးထည့်ပြီးသမအောင်မွေပေးကာအပေါ့အငံလိုသလိုပြုပြင်ပါ။
❀ကြက်သွန်ဖြူအစိမ်းမနှစ်သက်ပါကဆီချက်ချက်ပြီးသားအစားထိုးသုံးနိုင်ပါတယ်။
❀ဇီချွမ်းငရုပ်ဆီပြုလုပ်ရန်ဇီချွမ်းငရုပ်ကောင်းတစ်ဇွန်းနာနတ်ပွင့်၂ပွင့်ကိုဆီ၅ဇွန်းစာဖြင့်မွေးလာအောင်ဆီသပ်ပါ။မွေးလာပါကဆီကိုစစ်ယူပြီးငရုတ်သီးမှုန့်၃ဇွန်းထည့်ပြီးအပူပြန်ပေးပါ။မွေးလာပါကမွေပြီးမီးဖိုမှချပါ။မကျွမ်းအောင်ဂရုပြုပါ။
ဇီချွမ်းငရုပ်ကောင်း(ဟွားကျောက်)တရုတ်ကုန်စုံဆိုင်များတွင်မေးဝယ်နိုင်ပါတယ်

Share:

ပေါက်စီ


 ပေါက်စီလုပ်နည်းများစွာရှိပြီးတယောက်နဲ့တယောက်လုပ်နည်းများကွဲပြားကြပါတယ်ဘယ်လုပ်နည်းနဲ့လုပ်လုပ်ပေါက်စီမှာအစအလယ်အဆုံးအကုန်အရေးကြီးပါတယ်။တချို့မုန့်လုပ်နည်းများလိုပါဝင်ပစ္စည်းအချိုးအစားမှန်ရုံနဲ့ပေါက်စီလှလှကောင်းကောင်းမထွက်လာနိုင်တဲ့မုန့်တခုလည်းဖြစ်ပါတယ်။ပြုလုပ်နည်းအဆင့်ဆင့်ကိုအရှင်းဆုံးရေးပေးထားတဲ့အတွက်တဆင့်ချင်းကိုသေချာဖတ်ပြီးလိုက်လုပ်မယ်ဆိုရင်အဆင်ပြေနိုင်ဖို့မျော်လင့်ပါတယ်။
❀❀ဝါသနာရှင်များမေးထားတဲ့မေးခွန်းများအားလုံးကိုခြုံပြီးအတွေ့အကြံုများစွာကိုအခြေခံလို့အရေးကြီးလိုအပ်တဲ့သတိပြုရမဲ့အချက်တွေထပ်မံဖြည့်စွက်ပေးထားပါတယ်။အောင်မြင်ကြပါစေ....
ပေးထားသောအချိုးဖြင့်ပြုလုပ်ပါကပုံတွင်ပြထားသောminiအလုံးလေးဆယ်ခန့်ရပါတယ်။
ဂျုံသားအတွက်ပါဝင်ပစ္စည်း (၄၀လုံး)
******************
ဂျုံ - ၅၀၀ ဂရမ် (All Purpose Flour)
Yeast ပွဆေး - ၁/၃ စားပွဲဇွန်း
သကြား - ၅၀ဂရမ်
ဆား - ၃ဂရမ် အနည်းငယ်
ဆီ - ၅၀ ဂရမ်
ကြက်ဥ - တလုံး
ေရ - ၂၀၀ ml
ပြင်ဆင်ပြုလုပ်ပုံ
***********
(၁)ဂျုံကိုဇလုံတခုတွင်ထည့်ပြီးပါဝင်ပစ္စည်းအားလုံးထည့်ပြီးဂျံုသားချောမွေ့လာသည်ထိနှယ်ပါ။
❀❀ရေကိုအကုန်မထည့်ဘဲဖြည်းဖြည်းဆီထည့်နယ်ပါ၊ဂျံ ုအမျိုးအစားပေါ်မူတည်ပြီးအပျော့အမာကွဲနိုင်ပါတယ်။
❀❀မုန့်သားဖြူရန်ဂျုံနယ်သားကျရန်အရေးကြီးပါတယ်။လက်ဖြင့်နယ်လျှင်မိနစ်၂၀နှင့်စက်ဖြင့်၁၂မိနစ်။
(၂)ဂျုံသားညက်ပါကညီတူညီမျှ၁၂လုံးလုံးပြီးအစာသွပ်ရန်၅မိနစ်ခန့်နှပ်ထားပါ။
(၃)မိမိနှစ်သက်ရာအစာကိုအဆင်သင့်လုပ်ထားပါ။
❀❀ ပဲယို၊အုန်းသီး၊အသားတို့ကိုပူနွေးမနေစေရန်ဂရုပြုပါ။
(၄)ဂျုံသားနှပ်ပါကလိမ့်တုန်းဖြင့်ပြားပြီးအစာသွပ်ပါ ။
❀❀  လိမ့်တုံးဖြင့်ဖြန့်၍ရလျှင်ဂျုံနှပ်ပါပြီ။
(၅)အစာသွပ်ပြီးသားပေါက်စီကိုမိမိပေါင်းမည့်ဘမ်းတွင်တခါတည်းစက္ကူခံပြီးတင်ပါ။❀❀ အစာသွပ်ပြီးအပွခံထားစဉ်မုန့်ကိုမထိရမကိုင်ရဘမ်းပြောင်းရွေ့ခြင်းမပြုရ။
(၆)အားလုံးအစာသွပ်ပြီးပါကလေလုံအောင်ဖုံးအုပ်ပြီးပူနွေးသောနေရာတွင်အပွခံထားပါ။
❀❀ အပွခံထားစဉ်လေလုံရပါ့မယ်လေသလပ်မိပါကမုန့်သားခြောက်ပြီးလိုသလောက်မပွနိုင်ပါ
❀❀ရာသီဥတုပေါ်မူတည်ပြီးအပွခံချိန်ကြာမြင့်နိုင်ချိန်မှာအပူဆုံးရာသီတွင်၄၅မိနစ်စောင့်ရပြီးအေးလျှင်၃နာရီနှင့်အထက်ကြာတတ်သည်။ (၇)အပွအနေထားရခါနီးလျှင်ပေါင်းမည့်အိုးကိုရေအစဉ်သင့်တည်ထားပါ။
❀❀ ပွပြီဆိုသည်နှင့်တပြိုင်တည်းပေါင်းနိုင်ရန်အပွမလွန်စေရန်အပွလွန်မှပေါင်းပါကမုန့်သားကြမ်းခြင်းအပွပြန်ကျပြီးမုန့်ပြားချပ်သွားခြင်းဖြစ်နိုင်ပါတယ်။
(၈)အပွခံထားသောမုန့်လိုအပ်သောအပွအနေထားသို့ရောက်ပါကဆူပွက်နေသာရေပေါင်းခံအိုးသို့တင်ပြီးအဖုံးလုံလုံဖြင့်ဆယ်မိနစ်ခန့်ပေါင်းလျှင်မုန့်သားကျက်ပြီးပေါင်းမှချကာသုံးဆောင်နိုင်ပါပြီ။
❀❀အပွခံထားသောပေါက်စီဘမ်းကိုပေါင်းအိုးပေါ်တင်စဉ်တိုက်မိပြုမိခြင်းမရှိအောင်ဂရုပြုပါတိုက်မိပါကအပွသေပြီးကျောက်ပေါက်ရာများပေါ်လာမည်။
❀❀ပေါင်းသည့်မီးအရှိန်မှာအမြင့်ဆုံးဖြစ်ရမည်။
❀❀ ပေါင်းထားစဉ်တွင်ဆယ်မိနစ်မပြည့်မချင်းဖွင့်မကြည့်ရဖွင့်ကြည့်မိပါကမုန့်သားမကျက်နိုင်တော့ပါ။
❀❀ပေါင်းသည့်အိုးရေနွေးငွေ့လုံသောအိုးဖြစ်ရမည်။
❀❀မလုံသောအိုးဖြစ်ပါကရေငွေ့အားမပြင်းသဖြင့်မုန့်သားမကျက်နိုင်။ရေနွေးငွေ့မလုံသည့်နေရာကိုအဝတ်ရေစိုဖြင့်ပတ်ထားပေးပါ။
ပဲယိုပြုလုပ်နည်း
*********
ပဲလွန်း - ၂၅ကျပ်သား
ထန်းလျက် ၂၅ကျပ်သား
ဆီ - ၁၅ က်ပ္သား
ဆား - အနည်းငယ်
(၁)ပဲလွန်းကိုရေတညစိမ်ပြီးဆော်ဒါလ႓က်ဇွန်းတစ်ဇွန်းထည့်ပြီးပြုတ်ပါ။
(၂)ပဲနူးပါကရေစစ်ထားပြီးကြိတ်စက်ဖြင့်ကြေအောင်ကြိတ်ပါ။
(၃)ထန်းလျက်ကိုရေအနည်းငယ်ဖြင့်ကျိုပြီးအမှိုက်များစစ်ထုတ်ပါ။ပြီးလျှင်ညောင်စေးကျအောင်ပြန်ကျိုထားပါ။
(၄)ပဲယိုထိုးမည့်ဒယ်အိုးတွင်ဆီထည့်ပြီးထန်းလျက်ထည့်ကြော်ပါ။
(၅)မွှေးပြီးထန်းလျက်ပွလာပါကပဲကြိတ်ထားသည်ကိုထည့်ပါ။ဆားအနည်းငယ်ထည့်ပြီးရေခမ်းဆီပြန်လာသည်ထိမွေပေးပါ။
ပဲတွင်ရေကျန်ပါကထန်းလျက်တွင်ရေကျန်ပါကကျိုနေစဉ်တွင်အပူများစင်တတ်ပါတယ်။
(၆)အထားခံရန်ဆီပြန်ပြီးလုံးလာသည်ထိကျိုပေးပါ။ပြီးလျှင်အအေးခံထားကာလိုသလိုအသုံးပြုနိုင်ပါပြီ။
ကြက်သားအစာသွပ်ရန်အတွက်
*********************
(၁)ကြက်သွန်နီအတုံးသေးသေးစိတ်ပြီးကြော်ပါ။
(၂)ကြက်သားစင်းကောထည့်ပါ။
(၃)ဆားဟင်းခတ်မှုန့်ရှောက်ကောထည့်ပါ
(၄)ကျိုချိုက် ထည့်ပါ။ နှစ်သက်ပါကပဲပင်ပေါက်ထည့်ပါ။
(၅)အရသာမြည်းကာဆယ်ယူဆီစစ်ထားပါ
(၆)အစာသွပ်မည့်အချိန်တွင်ကြက်ဥအစိမ်းတလုံးထည့်ကာမွေပေးပါ။

Share:

ကြက်သားလုံးဟင်း (စူကြည်း)


 စူကြည်းလို့ခေါ်တဲ့ပန်းသေးရိုးရာဟင်းလေးကရိုးရိုးလေးနဲ့စားရတာအရသာအရမ်းရှိပါတယ်။မင်္ဂလာဧည့်ခံပွဲ ၊ ဧည့်ဖိတ်၊ မိတ်ဆုံစားပွဲတွေမှာ တည်ခင်းလေ့ရှိပါတယ်။ပြုလုပ်ရလွယ်ကူပြီးအရသာထူးတဲ့ကြက်သားဟင်းလေးကိုချက်စားကြည့်ကြရအောင်နော်။
ကြက်သားလုံးပြုလုပ်ရန်လိုပါဝင်ပစ္စည်း
****************************
ကြက်သား - ၃၀၀ ဂရမ်
ဂျုံ -၂၅၀ ဂရမ်
ကြက်ဥ- ငါးလုံး
ပြင်ဆင်ပြုလုပ်ပုံ
*************
1.ကြက်သားကိုအနေတော်အတုံးတုံးထားပါ ။
2.ပန်းကန်တခုတွင်ဂျုံကိုကြက်ဥဖြင့်ဖျော်ပါ။ရေမပါ၍စေးပျစ်နေပါမယ် ။ 3.ဖျော်ပြီးသားမုန့်နှစ်ထည်းသို့ကြက်သားတုံးနှစ်ပြီးဆီပူတွင်အရောင်ရသည်ထိချကြော်ကာဆီစစ်ထားပါ။
ဟင်းချက်ရန်လိုအပ်သောပစ္စည်း
***********************
ကြက်သားလုံးကြော်
ကြက်သွန်နီ - အလုံးကြီး ၂လုံး (အမြောင်းကြီးကြီးလှီးပါ)
ကြက်သွန်ဖြူ  - ၁၅ မြောင်း
ဂျင်း - တတက် (အမျှင်လှီးထားပါ)
ရှောက်ကော - ၂လုံး (တရုပ်မဆလာ)
ကြက်ပြုတ်ရည်/ရိုးရိုးရေ - လိုသလောက်
ဆီ -အနည်းငယ်
ကြက်သွန်မိတ် -ဖြူးရန်
ပြင်ဆင်ချက်ပြုတ်ပုံ
***************
1.ဦးစွာပထမမိမိချက်မည့်အိုးတွင်ဆီထည့်ပြီးကြက်သွန်အမြောင်းကြီးနှင့်ကြက်သွန်ဖြူအမြောင်းလိုက်တို့ကိုချကြော်ပါ။
နီရောင်သမ်းပါကဆယ်ထုတ်ထားပါ ။ 2.လက်ကျန်ဆီတွင်ဂျင်းလှီးပြီးသားနှင့်ရှောက်ကောကိုထုပြီးဆီသပ်ပါ။3.ကြက်သားလုံးများကိုထည့်ပါ ။ ကြက်ပြုတ်ရည်(ရိုးရိုးရည်)ကြက်သားလုံးမြုပ်အောင်ထည့်ပါ။
4.ဆားနှင့်ဟင်းခပ်မှုန့်ထည့်ပြီးဆူပွက်အောင်တည်ပါ။
5.ဆူပွက်လာပါကကြက်သွန်နီဖြူကြော်ထားသည်များကိုရောထည့်ပြီးမီးကိုအသေးဆုံးထိလျော့ချကာကြက်သားလုံးများနူးအိလာအောင်တည်ပေးပါ ။
❀❀တည်ထားစဉ်ယောက်မဖြင့်မွေခြင်းကိုဂရုပြုပါ ။
❀❀အသားလုံးပုံစံမပျက်အောင်ခဏခဏမမွေဘဲအိုးစောင်းလှုပ်ပေးရုံသာမွေပေးပါ။
❀❀ဂျုံနဲ့ကြက်ဥဖျော်ပြီးကြော်ထားသော ကြက်သားလုံးမှာမာကျစ်နေ၍မီးအေးအေးဖြင့်အကြာကြီးတည်ရပါ့မယ်။
❀❀မီးပြင်းပါကကြက်သားလုံးကွဲ၍ပွင့်သွားပြီးဟင်းပွဲမလှဖြစ်တတ်ပါတယ်။6.လိုအပ်ပါကရေထပ်ထည့်ပေးပါ။ ကြက်သားတုံးအိမအိကိုတူလေးဖြင့်ထိုးကြည့်ပါ။7.နူးအိပါကမီးဖိုမှချကာပန်းကန်တွင်ကြက်သားတုံးနှင့်ဟင်းရည်ကိုမျှအောင်ထည့်ပြီးကြက်သွန်မိတ်ဖြူးကာသုံးဆောင်နိုင်ပါပြီ ။

 

Share:

မုန့်လက်ကောက်ကြော်

 

မုန့်လက်ကောက်ကြော်ကို အပြင်မှာဝယ်စားရင် ဆီ သန့် မသန့်စိတ်ပူရတာရယ် မုန့်မှာ ဆန်ကြမ်းများရင် မာတောင့်တောင့်နဲ့ဆိုရင် စားရတာ အရသာသိပ်မတွေ့တာမို့ ကျမကတော့ အိမ်မှာပဲ ကိုယ့်စိတ်ကြိုက်လုပ်စားလေ့ရှိတယ်။ မု့န်လက်ကောက်မှာပါဝင်တဲ့ ပါဝင်ပစ္စည်းတွေကလည်း လွယ်လွယ်ကူကူပဲ ဈေးမှာသော်လည်းကောင်း City Mark တွေမှာလည်း အလွယ်တကူဝယ်လို့တယ်ဆိုတော့လေ။ ဒါ့ကြောင့် ဟင်းချက်ဝါသနာရှင်တွေအတွက်လည်း အိမ်မှာ မြန်မာ့ရိုးရာစားစရာမုန့်တစ်မျိုးဖြစ်တဲ့ မုန့်လက်ကောက်ကို အိမ်မှာလုပ်စားလို့ရအောင် မုန့်လက်ကောက်ပြုလုပ်နည်းလေးကိုဝေမျှချင်ပါတယ်။

  1. အခုတင်ပြတဲ့ ပါဝင်ပစ္စည်း ထည့်တဲ့အချိုးကတော့ မိသားစု ၃/၄ယောက်စာ စားဖို့အတွက် မုန့်လုပ်ရာမှာထည့်တဲ့ ပါဝင်ပစ္စည်းအချိုးအဆပဲဖြစ်ပါတယ်။ မုန့်လက်ကောက် လုပ်မယ်ဆိုရင် အောက်မှာဖော်ပြထားတဲ့ ပါဝင်ပစ္စည်းတွေလိုအပ်မှာဖြစ်ပါတယ်-
  • ကောက်ညှင်းမှုန့် ဟင်းစားဇွန်း(၈)ဇွန်း
  • ဆန်မှုန့်အစိမ်း ဟင်းစားဇွန်း(၄)ဇွန်း
  • ထန်းလျက်(၈)လုံး
  • ဆီ ဟင်းစားဇွန်း (၁၀)ဇွန်း
  • ဆားအနည်းငယ် လိုအပ်မှာ ဖြစ်ပါတယ်။
  1. ပထမဆုံး ကောက်ညှင်းမှုန့်နဲ့ ဆန်မှုန့်နဲ့ ဆားအနည်းငယ်တို့ကို ခွက်တစ်ခုထဲရောထည့်ပြီး ရေအေး အနည်းငယ်ဖြင့် သမအောင်နယ်ပါ။ (ကောက်ညှင်းမှုန့် ဆန်မှုန့်ထဲကို အစကတည်းက ရေအများကြီး မထည့်သင့်ပါဘူး။ ရေအများကြီးထည့်မိရင် ပျော့ပြဲပြီး နယ်လို့မကောင်းလို့ ဆန့်မှုန့်တွေထည့်လိုက် ကောက်ညှင်းမှုန့်တွေ ထည့်လိုက်နဲ့ မုန့်တွေအများကြီးဖြစ်သွားတတ်ပါတယ်။ သတိထားရမှာက ကောက်ညှင်း(၂)ဆ၊ ဆန်မှုန့် (၁)ဆ ထည့်ရမှာပါနော်။)
  2. မုန့်နယ်တဲ့အချိန်မှာ ရေနည်းနည်းထည့်လိုက် နယ်လိုက်လုပ်ပေးရမှာပါ ။ ၁၅မိနစ်လောက် နယ်ပြီူတဲ့အချိန်မှာ မုန့်သားက မပျော့မမာ အနေအထားရပြီဆိုရင်တော့ မုန့်တစ်ခုစာ အလုံးလေးတွေလုံးပြီးထားပါ။
  3. ထန်းလျက်ခဲများကို ရေဆေးပြီး ထန်းလျက်ခဲများနှင့်အတူ ရေဖန်ခွက် တစ်ဝက်ခန့် ထည့်ပြီး ထန်းလျက်ရည် ဟင်းစားဇွန်း(၃)ဇွန်းခန့်ကျန်သည်အထိ ကြိုပါ။ ထန်းလျက်ရည်များ ရပါက ဇကာတစ်ခုဖြင့် အမှိုက်များ၊ သဲများမပါရှိစေရန် စစ်ထားပါ။
  4. မုန့်လက်ကောက်ကြော်မည့်ဒယ်ထဲသို့ ဆီများထည့်ပြီး ဆီပူအောင်တည်ထားပါ။ ဆီပူလာပါက လုံးထားသောမုန့်လုံးများ လက်ကောက်ပုံစံပြုလုပ်ပြီး မုန့်တစ်ကွင်းချင်း မီးအေးအေးဖြင့်ကြော်ပါ။(မုန့်လက်ကောက်ကြော်ရာမှာ မီးပြင်းပြင်းနဲ့ကြော်ရင် မုန့်တွေပေါက်ပြီးစင်တတ်လို့ သတိထားဖို့လိုပါလိမ့်မယ်နော်။)
  5. မုန့်လက်ကောက်များ မီးအေးအေးနဲ့ကြော်ပြီးပါက ထန်းလျက်ရည်ကို ဆမ်းပြီးစားကြသလို ထန်းလျက်ရည်နဲ့တို့ပြီးတော့လည်း စားသုံးလေ့ရှိတာမို့ မိမိတို့နှစ်သက်သလို စားသုံးနိုင်ပါပြီနော်။

ကဲ ဟင်းချက်ဝါသနာရှင်တွေလည်း ချစ်ခင်ရတဲ့ မိသားစုတွေကိုပဲဖြစ်ဖြစ် သူငယ်ချင်းတွေနဲ့ပဲဖြစ်ဖြစ် မြန်မာ့ရိုးရာ မုန့်လက်ကောက်လေးကို အိမ်မှာ လုပ်စားလိုက်ကြတော့နော်။

Share:

ကင်းပုံသီးမျှစ်ကြော်

 

ကင်းပုံသီးဆိုရင် အချိုနဲ့အခါးဆိုပြီး (၂)မျိုးရှိပါတယ်။ ကင်းပုံသီးအခါးမျိုးက မြန်မာ့ဆေးကျမ်း များရဲ့‌ဖော်ပြချက်အရ  အလွန်ခါးတယ်၊ အေးပြီး ဝမ်းသက်စေတယ်၊ ချောင်းဆိုးသွေးအန်ခြင်းနှင့် သွေးကျခြင်းကိုပျောက်စေတယ်၊ ခန္ဓာကိုယ်ကြီးထွားသန်မာမှု၊ အရိုးနှင့်သွားများတည်ဆောက်မှု ကို အားပေးတယ်၊ အာရုံကြောများကို လန်းဆန်းစေတယ်၊ သလိပ်နှင့်လေကိုကြေစေတယ်၊ ဆီးချိုရောဂါရှိသူများနဲ့ သင့်လျော်တယ်၊ အညစ်အကြေး ဆီး ၊ဝမ်းများကို သက်စေတယ်လို့ ဖော်ပြ ထားတာကိုတွေ့ဖူးပါတယ်။

အခုချက်မည့် ကင်းပုံသီးမျှစ်ကြော်မှာတော့ ကင်းပုံသီးအခါးကိုပဲ အသုံးပြုသွားမှာပါ။ အစာလည်း ဆေး၊ ဆေးလည်းအစာဆိုသလိုနှုတ်မြိန်ပြီး ဆေးဖက်လည်းဝင်ပြီး စားလို့မြိန်မည့် ကင်းပုံသီးမျှစ် ကြော်ချက်နည်းလေးကို တင်ပြလိုက်ပါတယ်နော်။

ကင်းပုံသီးမျှစ်ကြော်ချက်ဖို့ဆိုရင် လိုအပ်တဲ့ ပစ္စည်းတွေကတော့

  • ကင်းပုံသီး (အခါး) ၁၂ လုံးခန့်
  • မျှစ် ၂ ချောင်း
  • ပုဇွန်ခြောက် (အကောင်ကြီး ၆ ကောင်ခန့်)
  • ငရုတ်သီးမှုန့် ဟင်းစားဇွန်း ၁ ဇွန်း
  • ဆီ ၃ ဇွန်းခန့်
  • ဆားအနည်းငယ်
  • အချိုမှုန့်အနည်းငယ်
  • ငပိ ဟင်းစားဇွန်း တစ်ဝက်လိုအပ်မှာဖြစ်ပါတယ်။

ပြုလုပ်ပုံအဆင့်အဆင့်

  1. ကင်းပုံသီးကို ၄ စိတ်ခွဲပြီး အစေ့များထွက်သွားစေရန် ငရုတ်ကျည်ပွေ့ဖြင့် ခပ်ဖွဖွထုပါ။
  2.  ပြီးလျှင် ထုထားသော ကင်းပုံသီးများကို ခွက်တစ်ခုထဲသို့ ထည့်၍ ဆားဖြင့် အမြှုပ်များထွက်လာသည်အထိ လက်ဖြင့်နယ်ပါ။ (ကင်းပုံသီးကို ဆားဖြင့်နယ်၍ ရေများများဖြင့် ဆေးခြင်းဖြင့်  ကင်းပုံသီးတွင် ပါဝင်သော အခါးဓာတ်များ လျော့နည်းသွားမည်ဖြစ်ပါသည်)
  3. ပြီးလျှင် ရေအေးဖြင့် နယ်၍ (၃)ကြိမ် ရေဆေးပြီး ဇကာတစ်ခုဖြင့် ရေစစ်ထားပါ။
  4. မျှစ်များကို မိမိနှစ်သက်သလို လှီးပြီး ရေဖြင့် စင်ကြယ်စွာဆေးထားပါ။
  5. ပုဇွန်ခြောက်များ ရေဆေး၍ ထောင်းထားပါ။
  6. ကင်းပုံသီး မျှစ်ကြော်မည့်ဒယ်အိုးထဲသို့ ဆီထည့်ပြီး ဆီပူလာပါက ငပိ၊ ငရုတ်သီးမှုန့်နှင့် ပုဇွန်ခြောက်အား ဆီသတ်ပါ။ ငပိနံ့မွှေးလာပြီး ငရုတ်ဆီအရောင်တက်လာပါက ရေဆေးထားသော ကင်းပုံသီး၊ မျှစ်တို့ကို ထည့်၍ နှံ့စပ်အောင်မွှေပါ။
  7. ထို့နောက် ရေဖန်ခွက်(၁)ခွက်ခန့်ထည့် အဖုံးအုပ်ပြီး တည်ထားပါ။
  8. ထို့နောက် ဆား၊ အချိုမှုန့်များထည့်၍ အရသာမြည်းကြည့်ပါ။
  9. ရေများခန်း၍ ဆီပြန်လာပါက စားသုံးနိုင်သော ကင်းပုံသီးမျှစ်ကြော်ဟင်း တစ်ခွက် ရရှိပြီဖြစ်ပါသည်။

ကင်းပုံသီးမျှစ်ကြော်ကို ပဲနီလေးနဲ့ပဲကြာဇံဟင်းရည်သောက်၊ မန်ကျီးဖျောသုပ်နဲ့ ဝက်သား သို့မဟုတ် ကြက်သားချက်လေးတွေနဲ့ တွဲဖက်စားသုံးလိုက်ရင် စားမြိန်မှာ သေချာပါတယ်နော်။

Share:

ခရမ်းချဉ်သီးငပိချက်

 


ငပိကတော့ မြန်မာလူမျိုးတွေရဲ့ နှစ်သက်ခုံမင်တဲ့ အစားအစာတစ်ခုပါ။ ငပိချက်ကို အသား ငါး၊ အသီးအနှံတွေနဲ့လည်း ရောပြီး ချက်စားလေ့ရှိကြပါသေးတယ်။ မြန်မာလူမျိုးတွေ နိုင်ငံခြား ကို ရောက်နေပြီဆိုရင်တော့  မြန်မာပြည်ရဲ့ဘယ်အစားအစာကို အလွမ်းဆုံးလဲဆိုရင် ငပိချက်၊ ငပိရည်၊ လက်ဖက်သုပ်၊ မုန့်ဟင်းခါးစသဖြင့် အများစုက ဖြေကြမှာမလွဲပါဘူးနော်။ ဒီနေ့မှာ တော့ ခရမ်းချဉ်သီးငပိချက် ဆီပြန်ဟင်း ချက်နည်းလေး ဝေမျှချင်ပါတယ်။ ခရမ်းချဉ်သီး ငပိချက် အတွက် လိုအပ်မည့် ပစ္စည်းတွေကတော့-

  • ခရမ်းချဉ်သီး(၅)လုံး
  • ကြက်သွန်နီ(၅ )လုံး
  • ငပိ လက်ဖက်စားဇွန်း(၁)ဇွန်းခန့်
  • ပုဇွန်ခြောက် ဟင်းစားဇွန်း(၁)ဇွန်း
  • ငရုတ်သီးကြမ်းမှုန့် ဟင်းစားဇွန်း(၁)ဇွန်း
  • နံနံပင်(၅)ပင်
  • ငရုတ်သီးအစိမ်း(၅)တောင့်
  • ဆီ ဟင်းစားဇွန်း(၃)ဇွန်း
  • ဆား
  • ဟင်းချိုမှုန့် သို့မဟုတ် ကြက်သားမှုန့်တို့ လိုအပ်ပါတယ်နော်။

ပြုလုပ်ပုံအဆင့်ဆင့်

  1. ခရမ်းချဉ်သီး၊ ကြက်သွန်နီတို့ကိုရေဆေး၍ လှီးထားပါ။
  2. ပုစွန်ခြောက်ကို ရေစိမ်ထားပါ။ ငရုတ်သီးစိမ်းနှင့် နံနံပင်တို့ကိုရေဆေး၍ လှီးဖြတ်ထားပါ။
  3. ငပိချက်ချက်မည့်အိုးထဲသို့ ဆီထည့်၍ ဆီပူလာပါက ငပိ၊ ကြက်သွန်နီ၊ ခရမ်းချဉ်သီး၊ ငရုတ်သီးအကြမ်းမှုန့်တို့ကို ထည့်၍ ဆီသတ်ပါ။ ငပိအနံ့မွှေးလာပြီး ငရုတ်သီးအရောင်များ တက်လာပါက ပုစွန်ခြောက်ထည့်ပြီး ခရမ်းချဉ်သီးများ နူးအိစေရန် ရေတစ်ဖန်ခွက်ခန့် ထည့် ပြီး အဖုံးအုပ်ထားပါ။
  4. ခရမ်းချဉ်သီးနှင့်ကြက်သွန်နီများ နူးအိစေရန် ဇွန်းဖြင့် မကြာခဏ ချေပြီးမွှေပေးပါ။ ကြက် သွန်နီ ခရမ်းချဉ်သီးများ မကျေသေးပါက ရေအနည်းငယ်ထပ်ဖြည့်၍ အဖုံးအုပ်ပြီးတည်    ထားပါ။(ခရမ်းချဉ်သီးငပိချက်တွင် ခရမ်းချဉ်သီးအနှစ်ရမှသာ စားသုံးရာတွင် ပိုမိုအရသာရှိပါသည်။ ခရမ်းချဉ်သီးကို ကြိတ်စက်ဖြင့် ကြိတ်ချေ၍ ချက်သော အရသာထက် ခရမ်းချဉ်သီးကို မီးဖြင့် နူးအိအောင် ချက်သော အရသာကို ပိုပြီးကြိုက်ပါတယ်နော်)
  5. ခရမ်းချဉ်သီးများနူးအိလာပြီး ဆီများထွက်လာပါက ဆား၊ ဟင်းချိုမှုန့်များထည့်၍ အရသာမြည်းစမ်းကြည့်ပါ။ အရသာ သင့်တင့်ပါက နံနံပင်နှင့် ငရုတ်သီးစိမ်းများထည့်၍ ဟင်းအိုးမီးပိတ်ကာ ခရမ်းချဉ်သီးငပိချက်ကို သုံးဆောင်နိုင်ပါပြီ။

ခရမ်းချဉ်သီးငပိချက်ကို အတို့အမြှုပ်အစုံနဲ့ ပဲဟင်း၊ ကြက်ကြော် သို့မဟုတ် ဝက်သား၊ ဆိတ်  သားအကြွပ်ကြော်တို့နဲ့ တွဲဖက်စားသုံးမည်ဆိုပါက စားမြိန်စေမှာ အသေအချာပါပဲနော်။

Share:

ပုဇွန်ခြောက်ငရုတ်သီးကြော်

 


အချို့သော လူတွေက အစပ်လည်းစားချင်တယ်၊ အများကြီးလည်း မစားနိုင်ကြဘူးဆိုတဲ့သူတွေ အတွက် ပုစွန်ခြောက်ငရုတ်သီးကြော်နည်းလေးကို မျှဝေချင်ပါတယ်နော်။ ပုစွန်ခြောက်ရဲ့ အချို  ဓာတ်ကြောင့် ငရုတ်သီးက အရမ်းကြီးမစပ်တော့ဘဲ ခပ်စိမ့်စိမ့်လေးဖြစ်တာကြောင့် စားပြီးရင် လည်း ဆက်စားချင်နေမှာပါနော်။

ငရုတ်သီးရွေးချယ်မှုကလည်း အရေးကြီးပါတယ်နော်။  ငရုတ်သီးအတောင့်ရှည်မျိုးက စပ်ပေမဲ့ စားပြီးရင် ရင်ထဲမှာ ပူလောင်မှုသိပ်မရှိပေမဲ့ ငရုတ်သီးအပု အသေးမျိုး (တစ်ချို့ကလည်း မိုးပေါ် ကို ထောင်ပြီးသီးလို့ မိုးမျှော်ငရုတ်သီးလို့လည်းခေါ်သေးတယ်) ကတော့ စားပြီးရင် ပူလောင်တဲ့ အရသာကိုပါ ခံစားရလေ့ရှိတာမို့ ငရုတ်သီးရွေးချယ်စားသုံးဖို့လည်း လိုအပ်ပါတယ်နော်။

ဒီနေ့တင်ပြမည့် ပုစွန်ခြောက် ငရုတ်သီးကြော်မှာဆိုရင် ငရုတ်သီးအတောင့်ရှည်မျိုးကို ကြိတ်ပြီး ရလာတဲ့ ငရုတ်သီးမှုန့်ကို အသုံးပြုသွားမှာပါနော်။

ကျမကတော့ ငရုတ်သီးမှုန့်ကိုသုံးရင် ငရုတ်သီးအတောင့်ကို သေချာရွေးချယ်ပြီး ဝယ်ထားတယ်။ ပြီးရင် နေပူပူမှာ ကြွပ်နေအောင် အခြောက်လှန်းတယ်။ ငရုတ်သီးမှာ မှိုမပါအောင်လို့ အတတ်နိုင် ဆုံးသန့်စင်ပြီးမှပဲ ပြန်ကြိတ်ပြီးသုံးလေ့ရှိပါတယ်။

ပုစွန်ခြောက် ငရုတ်သီးကြော်ဖို့အတွက် လိုအပ်တဲ့ပါဝင်ပစ္စည်းတွေကတော့

  • ကြက်သွန်နီ(၃)လုံး
  • ပုဇွန်ခြောက်အကောင်ကြီး(၁၀)ကောင်
  • ငရုတ်သီးအကြမ်းမှုန့်ဟင်းစားဇွန်း(၃)ဇွန်း
  • ဆားအနည်းငယ်
  • ဟင်းချိုမှုန့်အနည်းငယ်
  • ဆီ ဟင်းစားဇွန်း(၅)ဇွန်း

ပြုလုပ်ပုံအဆင့်ဆင့်

  1. ကြက်သွန်နီကို အခွံနွှာ ရေဆေးပြီး ပါးပါးလှီးထားပါ။
  2. ပုစွန်ခြောက်ကို ရေစိမ်ပြီး မွနေအောင် ထောင်းထားပါ။
  3. ဒယ်အိုးထဲသို့ ဆီထည့်ပြီး ဆီကျက်ပါက လှီးထားသော ကြက်သွန်နီများထည့်ပြီး ကြွပ်အောင် ကြော်ပါ။(ကြက်သွန်နီကိုကြော်နေတဲ့အချိန်မှာတော့ တူးမသွားအောင် သတိထားဖို့လိုပါတယ်။) အဝါရောင်သန်းပြီဆိုရင်တော့ ထောင်းထားတဲ့ပုဇွန်ခြောက်တွေထည့်ပြီး နှံ့အောင်မွှေပါ။
  4. ပုစွန်ခြောက်ထောင်းများ အနံ့မွှေးလာပါက ငရုတ်သီးအကြမ်းမှုန့်များကို ထည့်ပြီး မီးပြင်းပါက မီးပိတ်ထားပြီး ကြက်သွန်နီကြော်၊ ပုစွန်ခြောက်ထောင်းနှင့် ငရုတ်သီးအကြမ်းမှုန့်တို့ကို ပေါင်းစပ်သွားစေရန် နှံ့အောင် မွှေပြီး ဆား၊ အချိုမှုန့်ထည့်ပြီး ငရုတ်သီးအကျက်လိုပါက ကျက်အောင် ထပ်ကြော်ပါ။(မီးအပူရှိန်များရင်တော့ ဒယ်အိုးမှာ ကျန်တဲ့အပူရှိန်နဲ့ပဲ ငရုတ်သီးက တခါတရံ တူးသွားတတ်လို့ သတိထားပါနော်)
  5. ဒါဆိုရင်တော့ ပုဇွန်ခြောက်ငရုတ်သီးကြော်ကို သုံးဆောင်နိုင်ပါပြီနော်။

ပုစွန်ခြောက်ငရုတ်သီးကြော်နဲ့ လိုက်ဖက်တဲ့ ဟင်းတွဲလေးတွေကတော့ ကြက်သားဗူးသီးချက်၊ ကြက်သားအာလူး၊ ဝက်အာလူးချက်နဲ့ ပုစွန်ခြောက်ငရုတ်သီးကြော်လေးနဲ့ ဂေါ်ဖီထုပ်ဟင်းချိုလေးကို ငရုတ်ကောင်းလေးခပ်ပြီး စားလိုက်ရင်တော့ စားမြိန်မှာ သေချာပါတယ်နော်။

Share:

အညာငရုတ်သီးထောင်း

 

ပါဝင်ပစ္စည်းတွေကတော့

  • ငရုတ်သီးအခြောက်တောင့် ၁၅တောင့် (ငရုတ်သီးအခြောက်တောင့် မရနိုင်ရင်တော့ ငရုတ်သီးအကြမ်းမှုန့် ဟင်းစားဇွန်း(၃)ဇွန်းခန့်ထည့်ပါ)
  • ကြက်သွန်နီ(၃) လုံး
  • ဆားအနည်းငယ်
  • ဆီ ဟင်းစားဇွန်း(၃)ဇွန်း

ပြုလုပ်ပုံအဆင့်ဆင့်

  1. ငရုတ်ဆုံထဲသို့ ငရုတ်သီးအခြောက်တောင့်များကို အလယ်ချိုးကြည့်ပြီး မှိုမတွေ့မှသာ ခွက်တစ်ခုထဲသို့ ထည့်၍ ရေဆေးပြီး ရေစစ်ထားပါ။
  2. ကြက်သွန်နီအခွံနွှာ၍ လေးစိတ်ခွဲထားပါ။
  3. ထို့နောက် ထောင်းမည့် ငရုတ်ဆုံထဲသို့ ရေဆေးထားသော ငရုတ်သီးခြောက်နှင့် ကြက်သွန်နီ လေးစိတ်ခွဲလှီးထားတာကို ထည့်ပါ။ ဆားထည့်ပြီး မညပ်တညက်ထောင်းပါ။

ထောင်းပြီးပါက ပန်းကန်ထဲသို့ ထည့်၍ ဆီလောင်းပြီး စားသုံးနိုင်မည်ဖြစ်ပါသည်။ ငရုတ်သီးက ကြက်သွန်နီနဲ့ ထောင်းထားတဲ့အတွက် အစပ်ကိုလျော့စေတဲ့အပြင် ဆီရွှဲရွှဲလောင်းစားမယ်ဆိုရင် အစပ်ကိုပိုလျော့စေတာကြောင့် အစပ်ကြောက်သူတွေအတွက် ပိုအဆင်ပြေမယ်ထင်ပါတယ်။ အစပ်ကြိုက်တဲ့သူတွေကတော့ ဆီမဆမ်းဘဲ စားလည်း အကြိုက်တွေ့မှာပါနော်။

Share:

ငပိထောင်း

 

ပါဝင်ပစ္စည်းများ

ငပိထောင်းဖို့အတွက် လိုအပ်တဲ့ပါဝင်ပစ္စည်းတွေကတော့

  • ငပိ ဟင်းစားဇွန်းတစ်ဇွန်းခန့်( မိမိအိမ်ရဲ့ မိသားစုဝင် အနည်း/အများနဲ့ ၎င်းတို့ရဲ့ ကြိုက်နှစ်သက်မှုအပေါ် မူတည်၍ ပမာဏခန့်မှန်းပါ)၊
  •  ငရုတ်သီးစိမ်း ၁၅ တောင့်( အစပ်ကြိုက်နှစ်သက်ပါက ငရုတ်သီးပိုမိုထည့်သုံးနိုင်ပါသည်)
  • ပုစွန်ခြောက် လက်ဖက်စားဇွန်းနဲ့ တစ်ဇွန်း

ပြုလုပ်ပုံအဆင့်ဆင့်

  1. ပါဝင်ပစ္စည်းတွေစုံပြီဆိုရင်တော့ ပုစွန်ခြောက်ကို (၃)မိနစ်ခန့်ရေစိမ်လိုက်ပါ။ ပြီးရင် ဇကာတစ်ခုနဲ့ဆယ်ထားပါ။
  2. ငရုတ်သီးစိမ်းများကို ရေဆေး၍ အညှာများ ဖယ်ထားပြီး ‌ရေစစ်ထားပါ။ ရေမစစ်ထားမိရင် ငပိထောင်းတဲ့အခါ အရည်တွေနဲ့ စိုစွတ်ပြီး မျက်လုံးထဲဝင်တတ်ပါတယ်နော်။
  3. ငပိထောင်းဖို့အတွက် ငပိကို မီးသွေးမီးဖိုရှိရင်တော့ ငပိကို များများကင်ထားပြီး လိုသလောက်ပဲ ထောင်းပြီး ကျန်တာကို ဘူးသန့်သန့်နဲ့ထား၊ လိုအပ်လို့ယူသုံးရင်လည်း သီးသန့်ဇွန်းနဲ့ခပ်သုံးတာအဆင်ပြေပါတယ်နော်။ မီးသွေးမီးဖိုနဲ့ဖုတ်ထားတဲ့ ငပိကတော့ ပိုမွှေးတယ်လို့ ထင်တာပဲ။ မီးသွေးမီးဖိုမရှိရင်တော့ ဒယ်အိုးထဲမှာ ငပိကို ပြန့်နေအောင် ပြားထားပြီး အပူပေးလိုက်ပါ။ အနံမွှေးလာရင် အခြားတစ်ဖက်ကို ဇွန်းနဲ့ကော်ပြီး ပြောင်း၍ အပူပေးပါ။ ငပိကင်ပြီးရင် အဲ့အိုးထဲမှာပဲ ငရုတ်သီးစိမ်းများကို ထည့်၍ လှော်ပါ။ ငရုတ်သီးစိမ်းကို လှော်ပြီးမှစားသုံးခြင်းဟာ ဗိုက်အောင့်ဗိုက်နာ သိပ်မဖြစ်ပါဘူးနော်။
  4. ကင်ထားတဲ့ငပိလည်းရပြီ၊ ငရုတ်သီးစိမ်းနဲ့ ပုစွန်ခြောက်လည်း ရေစစ်ပြီးသွားရင် ငရုတ်ဆုံထဲမှာ အားလုံးကို ရောပြီး မညက်တညက် ထောင်းပါ။
  5. ဒါဆိုရင်တော့ ခံတွင်းမြိန်စေပြီး လုပ်ရတာလွယ်ကူတဲ့ ငပိထောင်းလေးရပါပြီနော်။ ငပိထောင်းထဲကို ဆီမထည့်ဘဲ စားသုံးရတာ ပိုပြီးအရသာရှိပါတယ်နော်။ ငပိထောင်းလေးနဲ့ ချဉ်ပေါင်ရွက်၊ မျှစ်၊ ရုံးပဒေသီးချဉ်ရည်လေးနဲ့ ကြက်သားသုပ် သို့မဟုတ် ဝက်သားသုပ်လေးနဲ့ တွဲဖက်စားသုံးလိုက်ရင်တော့ အင်မတန်စားမြိန်တဲ့ ဟင်းတစ်ခွက် ဖြစ်လာမှာ ဧကန်မလွဲပါဘူးနော်။
Share:

ရှမ်းပြောင်းဖူးကြော်

 

ပြောင်းဖူးဆိုရင်တော့ ရှမ်းပြောင်းဖူးနဲ့ သကြားပြောင်းဖူးဆိုပြီး (၂)မျိုးရှိပါတယ်။ ရှမ်းပြောင်းဖူး ကတော့ စေးစေးလေးနဲ့ ဝါးလိုက်ရင် ထုပ်ထုပ်လေးမို့ လူကြိုက်များကြသလိုပဲ သကြားပြောင်းဖူးကလည်း နူးညံပြီး အရသာက အချိုကဲတာမို့ အကြိုက်တွေ့ကြပြန်ပါတယ်။ ဒီနေ့တော့ ရှမ်းပြောင်းဖူးလေးကို ကြက်ဥနဲ့ အပြားငယ်ပုံစံလေးလုပ်ပြီး ကြော်တဲ့နည်းလေးကို တင်ပြချင်ပါတယ်။

ပါဝင်ပစ္စည်းတွေကတော့

  • ရှမ်းပြောင်းဖူး ၅ ဖူး
  • သကြား ဟင်းစားဇွန်း ၁ ဇွန်း
  • ကြက်ဥ ၁ လုံး
  • ဆီ ၅ ကျပ်သား
  • ဆား အနည်းငယ်တို့ပဲဖြစ်ပါတယ်။

ပြုလုပ်ပုံ အဆင့်အဆင့်

  1. ရှမ်းပြောင်းဖူးများကို အခွံခွာပြီး ပြောင်းဖူးအမွှေးများကို ဖယ်ရှားပါ။ ထို့နောက် ရေဆေးပြီး ခြစ်ဖြင့် ခြစ်ပါ။
  2. ကြက်ဥကို ဖောက်၍ ပန်းကန်တစ်ခုထဲတွင် နှံ့စပ်အောင် မွှေထားပါ။
  3. ထို့နောက်ခြစ်ထားသော ပြောင်းဖူးများထဲသို့  ကြက်ဥ၊ သကြား၊ ဆား အနည်းငယ်ထည့်၍ နှံ့စပ်အောင် နယ်ပါ။
  4. ၎င်းနောက် အပြားငယ်များ ပြုလုပ်၍ ရေခဲသေတ္တာထဲတွင် (၁၀) မိနစ်ခန့် ထည့်၍ နှပ်ထားပါ။
  5. (၁၀)မိနစ်ကြာနှပ်ပြီးနောက် ပြောင်းဖူးအပြားငယ်များကို ထုတ်ထားပါ။
  6. ကြော်မည့် အိုးထဲသို့ ဆီများထည့်၍ ဆီပူလာပါက ပြောင်းဖူးအပြားငယ်များကို ထည့်၍ ကြော်ပါ။ ပြောင်းဖူးအပြားငယ်များ နီဝါရောင်သန်းလာပါက ဆယ်၍ ဆီစစ်ကာ နှစ်သက်ရာ အချဉ်ရည်ဖြင့် တွဲဖက် စားသုံးနိုင်မည်ဖြစ်ပါသည်။

ရှမ်းပြောင်းဖူးကြော်ဟာ နူးညံ့တဲ့အတွက် ကလေးငယ်များနဲ့ လူကြီးမိဘများအတွက်လည်း သင့်တော်မည့် အစားအစာတစ်ခုဖြစ်ပါကြောင်း တင်ပြလိုက်ရပါတယ်။

Share:

အာလူးကတ်သလိပ်ကြော်

 

အာလူးကို အသားနဲ့ ရောပြီး ချက်တယ်၊ သုပ်စားကြတဲ့အပြင် ကြော်နည်းအမျိုးမျိုးနဲ့ကြော်စားကြတဲ့အထဲမှာမှ အာလူးကတ်သလိပ်ကြော်နည်းလေးကို ဝေမျှချင်ပါတယ်။ အာလူးကတ်သလိပ်ကြော်ကို သတ်သတ်လွတ်ဟင်းအနေနဲ့စားလို့ရတဲ့အပြင် ကိုယ့်ရဲ့ သားသား မီးမီးလေးတွေကိုလည်း သွားရည်စာအနေနဲ့ ကျွေးလို့ရပါတယ်နော်။

ပါဝင်ပစ္စည်းတွေအနေနဲ့ကတော့

အာလူး ၂၅ ကျပ်သား
ဂျုံမှုန့် ဟင်းစားဇွန်း ၃ ဇွန်း
ဆား အနည်းငယ်
ဆီ ၁၀ သား

ပြုလုပ်ပုံ အဆင့်အဆင့်

အာလူးများကို ရေဖြင့် စင်ကြယ်စွာ ဆေးကြော်၍ ပြုတ်ပါ။
ထို့နောက် ပြုတ်ထားသော အာလူးများကို အခွံနွှာ၍ ထောင်းပါ။
ထောင်းထားသော အာလူးများကို ဆား၊ ဂျုံမှုန့် အနည်းငယ်တို့ဖြင့် နှံ့စပ်အောင် နယ်ပါ။
ထို့နောက် အပြားငယ်များ ပြုလုပ်ကာ ဂျုံမှုန့်များဖြင့် လိမ်းကျံ၍ ပန်းကန်တစ်ခုအတွင်းသို့ ထည့်ထားပါ။
ကြော်မည့်အိုးထဲသို့ ဆီများထည့်ပါ။
ဆီကျက်ပါက အားလူးအပြားငယ်များကို နီဝါရောင်သန်းသည်အထိ ကြော်ပါ။
ထို့နောက် နီဝါရောင် သန်းလာပါက ဆယ်ယူ၍ ဇကာဖြင့် ဆီစစ်ထားပါ။
ဒါဆိုရင်တော့ အာလူးကတ်သလိပ်ကြော်ကို နှစ်သက်ရာအချဉ်နဲ့ တွဲဖက်စားသုံးနိုင်ပြီဖြစ်ပါပြီနော်။ အညာဒေသမှာတော့ မန်ကျီးမှည့်အချဉ်ရည်လေးနဲ့ စားသုံးလေ့ရှိကြပါတယ်။ မန်ကျီးမှည့်ဟာ သဘာဝအချဉ်ဖြစ်လို့ နွေရာသီမှာဆိုရင် မန်ကျီးမှည့်နဲ့ ထန်းလျက်နဲ့ ဖျော်သီး မန်ကျီးဖျော်ရည်အဖြစ် ဆေးဝါးအနေနဲ့ရော ဖျော်ရည်တစ်မျိုးအနေနဲ့ပါ သောက်သုံးလေ့ရှိကြပါတယ်။ အခု အာလူးကတ်သလိပ်ကြော်နဲ့ တွဲဖက်စားသုံးနိုင်တဲ့ အချဉ်ရည်ကိုတော့ မန်ကျီးမှည့်နဲ့ ထန်းလျက်နဲ့ ပြုလုပ်ထားတဲ့ အချဉ်ရည်လေးနဲ့ တွဲဖက်စားသုံးမယ်ဆိုရင် အစာလည်းဆေး ဆေးလည်းအစာဖြစ်မှာမို့ လုပ်စားကြည့်ကြဖို့ တိုက်တွန်းပါတယ်နော်
Share:

Popular Posts

ၸိူင်းငဝ်းတူင်ႉ ၽႃႇသႃႇလိၵ်ႈတႆး. Powered by Blogger.

Contact Us

Tel: +959691051467




MM Chef ဟင်းချက်နည်း အပ်ပလီကေးရှင်းသည် အချက်အပြုတ်ဝါသနာရှင်များအတွက် အထူးပင် အသုံးဝင်သော ဖုန်းဆော့ဝဲ တစ်ခုဖြစ်ပါသည်။

Recent Posts

Blog Archive

  • ()

BTemplates.com

About

About

Blogroll

Pages - Menu